ინგლისური კლუბის, “ვესტ ბრომვიჩის” ოფიციალური ვებგვერდი იტყობინება, რომ გუნდმა შეთანხმებას მიაღწია “ქუინს პარკ რეინჯერსთან” მატ ფილიფსის თაობაზე. 25 წლის ფეხბურთელმა 4 წლიან კონტრაქტს მოაწერა ხელი. ტრანსფერის ღირებულება 5.5 მილიონ ფუნტს შეადგენს.
შეგახსენებთ, რომ ინგლისელი მოთამაშე “ქპრ”-ში 2013-2016 წლებში თამაშობდა.
“პსვ ეინდჰოვენმა”, რომელმაც ვადაზე ადრე გაიფორმა ჰოლანდიის ჩემპიონობა, სატიტულო სპონსორის შეცვლის გადაწყვეტილება მიიღო. ახალი სეზონიდან კლუბის ფორმაზე Philips-ი აღარ იქნება მითითებული. “პსვ”-ში სურთ, რომ სხვა ცნობილ კომპანიასთან უფრო მომგებიანი კონტრაქტი გააფორმონ.
შეგახსენებთ, რომ “პსვ ეინდჰოვენის” ფორმაზე კლუბის დამფუძნებელი კომპანიის – Philips-ის წარწერა 1982 წლიდან იყო გამოსახული და ამ დრომდე არ შეეცვალათ. ამასთანავე, “პსვ”-ში აღნიშნავენ, რომ Philips-ი კლუბის მეორე სპონსორად დარჩება.
