ბილბაოს „ატლეტიკის“ კაპიტანმა ანდონი ირაოლამ „ბარსელონასთან“ ესპანეთის თასის წაგებული ფინალური შეხვედრის შესახებ ისაუბრა. გარდა ამისა, მან კატალონიელთა თავდამსხმელი ნეიმარი გააკრიტიკა, რომელმაც მატჩის ბოლოს თავის გამოსაჩენად რამდენიმე ილეთი შეასრულა.
„ჩვენ ვიბრძოდით, გოლი უნდა გაგვეტანა, თუმცა ყველაფერი მესიმ შეცვალა. ის მსოფლიოს საუკეთესო ფეხბურთელად სწორედ ამიტომ ითვლება. მესამე გოლმა მნიშვნელოვანი გავლენა იქონია, მასზე პასუხი მეტოქეს ძალიან გვიან გავეცით.
ნეიმარი? მისი მოქმედება არასპორტული იყო. ვფიქრობ, თანაგუნდელებისგან მას ბევრი აქვს სასწავლი“, – განაცხადა ირაოლამ.
