ლონდონის “ჩელსის” კუთვნილებაში მყოფმა და მიუნხენგლადბახის “ბორუსიას” რიგებში მოასპარეზე ქრისტიანსენმა ბრიტანული პრემიერ ლიგა გერმანულ ბუნდესლიგას შეადარა და აღნიშნა, რომ ეს უკანასკნელი მსოფლიოს ყველაზე ამაღელვებელი ჩემპიონატია.
“ამ დროისთვის პრემიერ ლიგის მხოლოდ ერთ მატჩში მაქვს მონაწილეობა მიღებული, მაგრამ მე კარგა ხნის მანძილზე ვვარჯიშობდი “ჩელსის” ფეხბურთელებთან ერთად.
რთულია ამ ორ ლიგას შორის არჩევანის გაკეთებას. დაცვის მხრივ, პრემიერ ლიგა უფრო ორგანიზებულია, მაგრამ იქ შანსების შექმნა გაცილებით უფრო რთულია, ვიდრე აქ.
მაგრამ მაინც ვთვლი, რომ ბუნდესლიგა ყველაზე ამაღელვებელი ჩემპიონატია. თითქმის ყველა თამაშში მაქსიმალურად იხარჯებიან, წინ და უკან, დაცვაში და შეტევაში ერთი ამოსუნთქვით თამაშობენ.”
