ბილბაოს “ატლეტიკის” მთავარმა მწვრთნელმა, ერნესტო ვალვერდემ, რომელსაც საკმაოდ აქტიურად უკავშირებდნენ “ბარსელონას”, საკუთარ მომავალზე ისაუბრა.
“კლუბის პრეზიდენტისთვის არასოდეს მითქვამს, რომ “ატლეტიკიდან” წასვლა მინდოდა.
ყველაზე მეტად ის მინდა, რომ ეს ყველასათვის ნათელი იყოს. როდესაც ჩვენ ამ თემაზე ვისაუბრებთ და გადაწყვეტილებასაც მივიღებთ, ამის შესახებ აუცილებლად გაცნობებთ.
ჯერ ჩვენი სეზონი არ დასრულებულა. ევროსარბიელის ბილეთებისთვის ბოლომდე ვაპირებთ ბრძოლას. ახლა მხოლოდ მომდევნო მატჩზე ვფიქრობ,” – აცხადებს ვალვერდე.
