“მანჩესტერ იუნაიტედი” და “მანჩესტერ სიტი” შახტარის” ბრაზილიელი ნახევარმცველით, ფრედით არიან დაინტერესებულნი. ამის შესახებ ინგლისური გამოცემები წერენ. გეტყვით, რომ, ჯერჯერობით, ორივე მათგანი 60 მილიონ ევროს ჩამოდის 25 წლის ფეხბურთელში.
“წითელი ეშმაკების” კაპიტანი, მაიკლ კერიკი სეზონის ბოლოს გუნდიდან მიდის. შესაბამისად, მას შემცვლელი სჭირდება. ამის ერთ-ერთ რეალურ კანდიდატად სწორედ ფრედი სახელდება.
რაც შეეხებათ “ქალაქელებს”, პეპ გვარდიოლას ძირითად შემადგენლობაში ორი ასაკში შესული ფეხბურთელი ჰყავს: დავიდ სილვა და ფერნანდინიო. ორივე მათგანი 32 წლისაა. სწორედ ამ საქმისთვის, კატალონიელ სპეციალისტს ფრედი იდეალურ ვარიანტად მიაჩნია.
ბრაზილიელი “ინტერნასიონალის” აღზრდილია. იგი 2013 წლის ზაფხულში გადავიდა უკრაინულ გუნდში და ამ პერიოდის მანძილზე პრემიერ ლიგაში ათი გოლიც გაიტანა.
