ჩეხეთის ეროვნული ნაკრების მთავარი ექიმი, პიოტრ ზემანი ადასტურებს ინფორმაციას, რომლის თანახმადაც ჩეხთა 35 წლის ფლეიმეიქერი, ტომას როსიცკი გუნდს ევრო 2016-ზე ვეღარ დაეხმარება.
შეგახსენებთ, რომ ლონდონის “არსენალის” ყოფილმა ფეხბურთელმა ხორვატიასთან გამართულ მატჩში ტრავმა მიიღო, მან ზურგი დაიზიანა. გამოკვლევების შემდეგ დადგინდა, რომ მას ლაზარეთში 6 კვირის გატარება მოუწევს.
“დაზუსტებით შეიძლება ითქვას, რომ ის ევრო 2016-ის ვერცერთ დარჩენილ მატჩში ვერ მიიღებს მონაწილეობას, მათ შორის ვერც თურქებთან მატჩში.
ამ ტრავმის მოშუშების დროის განსაზღვრაში დიდ გავლენას ახდენს ინდივიდუალური ფაქტორები. სავარაუდოდ მისი რეაბილიტაციის პროცესი 6 კვირას გასტანს.”
