ცოტა ხნის წინ საკალათბურთო სუპერლიგის რეგულარული ჩემპიონატის მე-12 ტურის მეორე მატჩი დასრულდა – „ბათუმმა“ ბოლოადგილოსან „აკადემიას“ უმასპინძლა, რომელსაც აქამდე მხოლოდ ერთი მატჩი ჰქონდა მოგებული.
პირველი მეოთხედი მასპინძლებმა ანგარიშით 25:21 მოიგეს. მეორე მეოთხედში მდგომარეობა რადიკალურად შეიცვალა – „აკადემია“ ანგარიშით 44:51 იგებდა. მესამე მეოთხედში „ბათუმმა“ სხვაობა 5 ქულით შეამცირა (63:65). გადამწყვეტი მეოთხედის შემდეგ კი ტაბლზოე თანაბარი ანგარიში 84:84 დაფიქსირდა. ოვერტაიმში სტუმრები უფრო ძლიერები გამოდგნენ და 95:98 გაიმარჯვეს.
„აკადემიის“ ლეგიონერმა მაურის ბრიგსმა ბრწყინვალე შედეგს მიაღწია, მისმა მონაგარმა ამ შეხვედრაში 40 ქულა, 12 მოხსნა და 1 ასისტი შეადგინა.
