ჭდე: ფაცაცია

ვითიბი ლიგაში მორიგი ტური გაიმართა და ქართველი ლეგიონერების გუნდებმაც თავთავიანთი მატჩები გამართეს. მანუჩარ მარკოიშვილის ცსკამ ასტანაში ყაზახური გუნდი დაამარცხა, ხოლო ლევან ფაცაციას „ნიჟნი ნოვგოროდმა“ტურნირზე მე-4 მარცხი „ხიმკისთან“ განიცადა.

არმიელები რომ ყაზახეთში „ასტანას“ დაამარცხებდნენ, ამაში ეჭვის შეტანა რთული იყო. მოსკოვურმა გრანდმა ზომიერი სხვაობოთ – 78:60 იმარჯვა და ცხრილში მეორე ადგილზე ერთპიროვნულად განთავსდა.

ქართველმა ლეგიონერმა 19:37 წუთი ითამაშა. ის სასტარტო ხუთეულში არ ყოფილა. მარკოიშვილმა 4-დან 1 ორქულიანი, 2-დან 1 სამიანი და 4-დან 3 საჯარიმო ჩააგდო. 8 ქულასთან ერთად მანუჩარმა 2 მოხსნა, 1 პასი და გუნდში უმეტესი 3 ჩაჭრა მოაგროვა. საუკეთესო შედეგი საშა კაუნმა დააფიქსირა, რომელმაც პირად ანგარიშზე 12 ქულა, 6 მოხსნა და 4 დაფარება ჩაიწერა.

ფაცაციას გუნდმა „ხიმკისთან“ შინ წააგო. მატჩი დაძაბული იყო და მისი ბედი ოვერტაიმში გაირკვა. ძირითადი დრო 79:79 დასრულდა, ექსტრახუთწუთეულში კი „ხიმკიმ“ 94:86 იძალა. ქართველმა ლეგიონერმა 11:10 წუთი ითამაშა და მოედანი უქულოდ, 1 მოხსნით დატოვა. ფაცაციამ 2-2 სამიანი და ორქულიანი ააცილა.

ცხრილში პირველ ადგილზე „ხიმკია“. მეორე ცსკა-ა, ხოლო მესამეზე „ნიჟნი ნოვგოროდია“ განთავსებული.

gbf.ge

იტალიაში გამარჯვების შემდეგ „ნიჟნი ნოვოროდისთვის“ წარუმატებელი გამოდგა ევროლიგის ტოპ-16-ის მეორე ტური. ლევან ფაცაციას გუნდმა სტამბოლის „ფენერბაჰჩეს“ უმასპინძლა და შეხვედრა 18 ქულის სხვაობით – 60:78 დათმო.

ფაცაცია სასტარტო ხუთეულში არ ყოფილა, მოედანზე გატარებულ 09:24 წუთში კი 4 მოხსნა და 1პასი მოაგროვა. ლევანმა თითო ორქულიანი და სამქულიანი ააცილა, 1 პერსონალური ფოლი მიიღოდა მის წინააღმდეგაც ერთხელ დაჯარიმდნენ.

“ფენერბაჰჩეს” განაცხადში არ ყოფილა ქართული პასპორტის მქონე რიკი ჰიკმანი, საუკეთესო კიამერიკელი ენდრიუ გუდელოკი გახდა, რომელმაც 24 წუთში 23 ქულა ჩააგდო.

ფაცაციას გუნდს თითო მოგება–წაგება აქვს, შემდეგ მატჩს კი 16 იანვარს, ესპანეთში, თორნიკეშენგელიას “ლაბორალ კუჩასთან” გამართავს.

gbf.ge

ვითიბი ლიგაში ქარველი კალათბრთელების გუნდები შეხვდნენ. ტურნირის ერთადერთმა წაუგებელმა გუნდმა „ნიჟნი ნოვგოროდმა“, რომლის ღირსებასაც ლევან ფაცაცია იცავს, მანუჩარ მარკოიშვილის ცსკა-ს უმასპინძლა და შანსოდ წააგო. მოსკოვურმა გრანდმა მასპინძლები 84:59 გაანადგურა.

ქართველთაგან სასტარტო ხუთეულში მხოლოდ ფაცაცია იყო, რომელმაც მოედანზე 14:41 წუთიდაჰყო და 3 მოხსნა, 1 პასი და 1 ჩაჭრა მოაგროვა. ლევანმა თითო სამქულიანი და ორქულიანი ააცილა,ბურთი ერთხელ დაკარგა და 1 პერსონალური ფოლი მიიღო.

მარკოიშვილმა 19:33 წუთი ითამაშა და მოსკოვურ კლუბს 10 ქულა, 3 მოხსნა და 1 პასი შესძინა.ქართველმა უკანახაზელმა ორქულიანი, 4-დან 2 სამქულიანი და 2-ვე საჯარიმო ჩააგდო, 1 შეცდომადაუშვა, ერთხელ დაჯარიმდა და მის წინააღმდეგაც თამაშის წესები ერთხელ დაირღვა.

ცსკა–ს და “ნიჟნი ნივოგოროდს” უკვე ერთნარი მაჩვენებლები (10 მოგება, 1 მარცხი) გააჩნიათ დაპირველ–მეორე პოზიციებს ინაწილებენ. ვითიბი ლიგის მორიგი ტურის კიდევ ერთი ცენტრალურიმატჩი 22 დეკემბერს ჩატარდება, როდესაც მესამედგილოსანი “ხიმკი” მე-4 პოზიციაზე მყოფ ვიქტორსანიკიძის “უნიკსს” უმასპინძლებს.

 gbf.ge