მომავალი სეზონისთვის მიუნხენის „ბაიერნში“ კარლო ანჩელოტის დანიშვნის შემდეგ ხოსეპ გვარდიოლას „მანჩესტერ სიტიში“ სამწვრთნელო კარიერის გაგრძელების ალბათობა უფრო მაღალი გახდა.
ამას „ВeIN Sports“-თან „ქალაქელთა“ მცველის მარტინ დემიჩელისის საუბარიც ადასტურებს. თურმე, დემიჩელისს გამოცემის რეპორტიორისთვის უთქვამს, რომ გვარდიოლასა და „სიტის“ ხელმძღვანელობის შეთანხმების შესახებ გაუგია. ამავდროულად, სათქმელია, რომ არგენტინელს თავისი წყარო არ დაუსახელებია.
„მანჩესტერ სიტის“ მცველი მარტინ დემიჩელისი სეზონის დასრულების შემდეგ „რივერ პლეიტში“ დაბრუნების ალბათობას განიხილავს, რასაც „Manchester Evening News“-ი ავრცელებს.
34 წლის არგენტინელი ელიაკიმ მანგალასთან კონკურენციაში აგებს და შემდეგ ზაფხულში, შესაძლოა, თავისუფალი აგენტის სტატუსით, ბუენოს-აირესში გადაბარგდეს.
გარდა ამისა, დემიჩელისის „სიტიდან“ წასვლის მიზეზი, დიდი ალბათობით, მცველ ნიკოლას ოტამენდის დამატებაა, რომელიც ინგლისურ კლუბში „ვალენსიადან“ გადავიდა.
