ცოტა ხნის წინ “მანჩესტერ იუნაიტედის” მთავარმა მწვრთნელმა, ჟოზე მოურინიომ განაცხადა, რომ გუნდის წარმატების საკვანძო ფიგურა სწორედ ისაა.
კრიზისში მყოფი გვარდიოლა, ომარ მომანის აზრით, ასე იქცევა
ჭდე: მანჩესტერ
გვარდიოლა: “აგუერო სულაც არაა აგრესიული ფეხბურთელი”
პრემიერ ლიგის მე-14 ტურში “მანჩესტერ სიტი” საკუთარ მოედანზე “ჩელსის” ეთამაშა და, ანგარშით, 1-3 დამარცხდა. შეხვედრის დასასრულს სერხიო აგუერომ დავიდ ლუისის წინააღმდეეგ ძალიან უხეშად ითამაშა და წითელი ბარათი მიიღო. ამ კვირას ინგლისის ფებურთის ასოციაციამ არგენტნელი ოთხმატჩიანი დისკვალიფიკაციით დასაჯა. აგუერო ადრეც დასაჯეს არასპორტული საქციელისთვის და სამი შეხვედრა გამოატოვებინეს.
მიუხედავად აღნიშნული შემთხვევებისა, “მანჩეტსერ სიტის” თავკაცი, პეპ გვარდიოლა მიიჩნევს რომ აგუერო სულაც არაა აგრესიული ფეხბურთელი.
“მას ვურჩევდი, რომ, რაც შეიძლება, მეტი გოლი გაიტანოს. სერხიო ნამდვილად არაა აგრესიული მოთამაშე.”
“როცა მან სასჯელის შესახებ გაიგო, ეს ჩვეულებრივად მიიღო. აგუერო მიხვდა, რომ ეს დაიმსახურა. დარწმუნებული ვარ, იგი მომავალში უფრო მოთოკავს ნერვებს და იმავეს აღარ გაიმეორებს,” – განაცხადა კატალონიელმა სპეციალისტმა.
კუმანი: “გვარდიოლა რისკიანი მწვრთნელია”
ლივერპულის “ევერტონის” მთავარმა მწვრთნელმა, ჰოლანდიელმა რონალდ კუმანმა ჟურნალისტებთან მისი და გვარდიოლას ურთიერთობაზე ისაუბრა.
“ჩვენ კარგი მეგობრები ვართ. პეპი უკვე მანჩესტერში ცხოვრობს და უფრო მეტი შანსი გვაქვს, რომ ერთმანეთი ვნახოთ და საღამოობით ვივახშმოთ ხოლმე.”
“გვარდიოლა ხშირად მეკითხება ჰოლანდიურ ფეხბურთზე და მის სპეციკაზე.”
“პეპის მიერ გაწვრთნილი გუნდების: “ბარსელონას”, “ბაიერნის” ბერვი თამაში მაქვს ნანახი და რაც ამ მწვრთნელში აღამფრთოვანებს ის არის, რომ ყოველთვის გახსნილ და აგრესიულ ფეხბურთს თამაშობს და ასე ახერხებს წარამატების მიღწევას. ის, ამის გამო, ძალიან რისკიანია, თუმცა თავის თავში დაჯერებული ადამიანია და ბევრ ტიტულსაც იგებს.”
“სხვა მწვრთნელებიც ახერხებენ თასების აღმართვას, მაგრამ, მათი უმეტესობა, სხვა სტილის ფეხბურთით აკეთებენ ამას,” – განაცხადა ლეგენდარულმა ჰოლანდიელმა.
გვარდიოლამ კომპანის შემცვლელს მიაგნო და 50 მილიონ ფუნტსაც ჩამოდის
ვინსენტ კომპანი, ოთხ თვიანი ტრავმის შემდეგ, სულ ცოტა ხნის წინ დაუბრუნდა ფეხბურთს. იგი ნელ-ნელა სასურველ ფორმაშიც შედიოდა, მაგრამ ორი დღის წინ, ინგლისის ლიგის თასზე, “სუონსისთან” გამართულ შეხვედრაში”, ისევ ტრავმა მიიღო.
გამომდინარე იქიდან, რომ 30 წლის მოთამაშეს არც ისე პატარა ასაკი აქვს და თან ტრავმებს მოუხშირა, “სიტის” დამრიგებელმა, პეპ გვარდიოლამ ბელგიელის შემცვლელის ძებნა დაიწყო. The Sun-ი ავრცელებს ინფორმაციას, რომ კატალონიელი სპეციალისტი სერიოზულად არის დაინტერესებული ლეონარდო ბონუჩის შეძენით. მანჩესტერელები მომავალ ზაფხულს “იუვენტუსისა” და იტალიის ნაკრების დაცვის ბურჯის სანაცვლოდ 50 მილიონი ფუნტის გადახდას აპირებენ.
ლეონარდო ძალიან მნიშვნელოვანი ფიგურაა “ბებერ ქალბატონში” და იტალიელები მას ადვილად არ დათმობენ. თუმცა , უნდა თქვას, რომ ნახსენები თანხაც საკმაოდ “მსუყეა”.
დაველოდოთ, როგორ განვითარდება მოვლენები მომავალ ზაფხულზე.
მოურინიო “ლესტერის” ერთ-ერთ ლიდერში 30 მილიონ ფუნტს იხდის
ჟოზე მოურინიომ გასულ ზაფხულს ტრანსფერებში 150 მილიონი ევრო დახარჯა. მან ნახევარდაცვა პოგბათი და მხითარიანით გააძლიერა, თუმცა ამ ტრანსფერებმა ჯერ ბოლომდე ვერ გაამართლა.
The Sun-ი იტყობინება, რომ “მანჩესტერ იუნაიტედის” თავკაცს იანვრის სატრანსფერო ფანჯარაზე “ლესტერ სიტის” შუახაზელის, დენი დრინქუოთერის შეძენა უნდა. “წითელი ეშმაკები” “მელიების” ერთ-ერთ წამყვან ფეხბურთელში 30 მილიონ ფუნტს ჩამოდიან.
საგულისხმოა, რომ “ლესტერის” მწვრთნელმა, კლაუდიო რანიერიმ ერთი ნახევარმცველი, ნ’გოლო კანტე უკვე გაუშვა “ჩელსიში”. ასე რომ, თუ დრინქუოთერიც “ლესტერს” დატოვებს, ინგლისის ჩემპიონების ნახევარდაცვა საგრძნობლად შესუსტდება.
ვნახოთ, როგორ განვითარდება მოვლენები ზამთარში.
სქოულზი: “ის “მანჩესტერის” ძირითადში არ უნდა იყოს!”
მანჩესტერულ დერბიში “მანჩესტერ იუნაიტედი” საკუთარ მოედანზე “სიტისთან” 1-2 დამარცხდა. ამ შეხვედრაში “წითელი ეშმაკების” ერთ-ერთი შავი ლაქა დალი ბლინდი იყო, რომელიც დაცვის ცენტრში იდგა.
“მანჩესტერის” ლეგენდამ, პოლ სქოულზმა ჰოლანდიელ მოთამაშეზე ისაუბრა და განაცხადა, რომ ბლინდი ძირითად თერთმეტეულში არ უნდა იყოს.
“მანჩესტერულმა დერბიმ აჩვენა, რომ ბლინდი სასტარტო თერთმეტეულში, დაცვაში არ უნდა იდგეს. თუ პირველივე წუთიდან მოუწევს შეხვედრის დაწყება, ჩემი აზრით, მისთვის საუკეთესო პოზიცია საყრდენია. ბლინდს გაუმართლა, რომ კარგი პარტნიორი ჰყავს ერიკ ბაილის სახით.”
“ბაილის მეწყვილე დაცვის ცენტრში კრის სმოლინგი უნდა იყოს. რატომ? იმიტომ, რომ მისი ფიზიკური შესაძლებლობები ზუსტად შეეფერება ინგლისის ჩემპიონატს. გარდა ამისა, კრისი ძალიან გამოცდილია, მით უმეტეს, პრემიერ ლიგაში თამაშის მხრივ. დარწმუნებული ვარ, წინა შეხვედრაში სმოლინგი რომ მდგარიყო ბლინდის მაგივრად, ბევრ მომენტში შეძლებდა დე ბრუინის განეიტრალებას,” – განაცხადა სქოულზმა.
ხუან მატამ “მანჩესტერ იუნაიტედის” ყველა დროის სიმბოლური ნაკრები შეადგინა
“მანჩესტერ იუნაიტედის” ფეხბურთელმა ხუან მატამ კლუბის ყველა დროის სიმბოლური ნაკრები შეადგინა.