მოგეხსენებათ, დღეს ახალგაზრუდული ჩემპიონთა ლიგის ფარგლებში „საბურთალო“ დანიურ „მიდტიულანდთან“ განმეორებით მატჩს ჩაატარებს.
როგორც „საბურთალოს“ ოფიციალური გვერდი იტყობინება, აღნიშნული შეხვედრის ტრანსლაცია დღეს, სამწუხაროდ, ვერც ინტერნეტში და ვერც რომელიმე სატელევიზიო არხზე ვერ მოხერხდება. შეხვედრის შემდეგ „საბურთალო“ მატჩის გამორჩეული ეპიზოდების ვიდეოს გამოაქვეყნებს.
ცნობისთვის, პირველ მატჩში „საბურთალოელები“ ანგარიშით 1:3 დამარცხდნენ. დღევანდელი შეხვედრა 19:00 საათზე, მიხეილ მესხის სახელობის სტადიონზე დაიწყება და მასზე დასწრება მსურველთათვის თავისუფალი იქნება.