ყაზანური უნიკსის თავკაცის ევგენი პაშუტინის კომენტარს თბილისის „ვითასთან“ ანაგრიშთ 81:57 მოგებული შეხვედრის შემდეგ.
„მოდუნებულად დავიწყეთ, ეს დაუშვებელია. აქტიურად პირველივე წუთებიდან უნდა ვთამაშობდეთ. ეს მომენტი უნდა გავარკვიოთ, წინ პოლონელებთან რთული შეხვედრა გველის. მატჩის მიმდინარეობისას დაცვით მოქმედებებში მოვიმატეთ, ბოლო მეოთხედში კი ვდომინირებდით“, – განაცხადა პაშუტინმა.
ევგენი პაშუტინი „ვითასთან“ პირველი წრის მატჩის დროს. ფოტო – FANEBI.COM-ის ფოტოგრაფი მარიამ ნიშნიანიძე
ყაზანის „უნიკსის“ მთავარმა მწვრთნელმა ევგენი პაშუტინმა „ვითასთან“ მოგებული მატჩი შეაფასა.
„იქიდან გამომდინარე, რომ „ვითა“ კარგი გუნდია, ადვილ შეხვედრას არ ველოდებოდით. მესამე მეოთხედში მეტოქემ კარგად ითამაშა, „ვითას“ ლიდერებს თავის გამოჩენის საშუალება მივეცით, რაც დაცვაში დაშვებული შეცდომების ბრალია. აღვნიშნავდი ჩლაიძეს, რომელმაც დღეს ბევრი ქულა დააგროვა. ასევე ბოქოლიშვილის თამაშიც მომეწონა.
როდესაც „ვითამ“ სხვაობა შეამცირა, ცოტა ვინერვიულეთ. მეტოქემ თამაში იგრძნო და მისი შეჩერება რთული იყო.
ლიგაში მაღალი მიზნები გვაქვს. პრეზიდენტი ამ კლუბის შემქმნელია, შესაბამისად, მის საარსებოდ ის ყველაფერს აკეთებს. 5-6 გუნდს ასევე მაღალი მიზანი აქვს, ასე რომ, წინ რთული ბრძოლა გველის. ახლა ჯერ კიდევ ჩამოყალიბების პროცესში ვართ“, – აღნიშნა „უნიკსის“ თავკაცმა.
