როგორც მოგახსენეთ, დღეს თბილისის „ვითასა“ და ჩეხუთ „ნიმბურკს“ შორის ვითიბი ლიგის რეგულარული ჩემპიონატის მატჩი გაიმართა, რომელიც სტუმრებმა ანგარიშით 59:119 მოიგეს.
დიდი შესვენების დროს „სპორტის სასახლეში“ შუქი ჩაქრა, პრობლემის მოგვარებას კი 15-20 წუთი დასჭირდა. საბოლოოდ, მესამე მეოთხედი დაგეგმილზე გვიან დაიწყო.
დარჩენილ დროში ორიდან ერთი ტაბლოს პრობლემაც გაჩნდა, რომელიც ნაწილობრივ მოგვარდა, თუმცა შეხვედრის ბოლომდე ორივე გუნდის მოთამაშე გვარების ნახვა შეუძლებელი იყო.
ვითიბი ლიგის რეგულარული ჩემპიონატის მორიგ მატჩში თბილოსის „ვითამ“ ჩეხური „ნუმბურგი“ მიიღო და აჯერად 60 ქულით – 59:119 დამარცხდა.
სათქმელია, რომ „ვითას“ განაცხადში დღეს გუნდის ლიდერი პიერია ჰენრი არ იყო. როგორც მატჩისშემდგომ პრესკონფერენციაზე გუნდის მთავარმა მწვრთნელმა პაველ გოოგემ განაცხადა, ჰენრის გუშინდელი ვარჯიში გამოუტოვებია. მეტიც, ამერიკელი ერთ-ერთი გერმანული კლუბის განაცხადში აღმოჩნდა, ამიტომაც, სავარაუდოდ, მას თბილისელთა მაისურით, ალბათ, მეტს აღარ ვიხილავთ.
პირველი წუთები საკმაოდ სანახაობრივი და შედეგიანი გამოდგა. მიუხედავად იმისა, რომ „ნიმბურგმა“ მასპინძლებს ანგარიშში დაწინაურების საშუალება არ მისცა, „ვითა“ თავიდან ღირსეულად თამაშობდა და 1-2 ქულას აგებდა. სიტუაცია პირველი მეოთხედის ბოლოსკენ შეიცვალა და საბოლოოდ, მეორე ათწუთიანი პერიოდის წინ ჩეხებმა მეტოქეს 17 უპასუხო ქულა ჩაუგდეს.
სათქმელია, რომ დიდი შესვენების დროს „სპორტის სასახლეში“ შუქი ჩაქრა. პრობლემის მოგვარებას, დაახლოებით, 15-20 წუთ დასჭირდა, ამიტომ მეორე ნახევარი საკმაოდ გვიან დაიწყო.
თამაშის კონტროლი „ნიმბურგს“ შემდეგშიც გამოუვიდა. ჩეხები არ ჩერდებოიდნენ და მეტოქის ფარში არაერთ ქულას აგდებდნენ, მათ შორის სამქოლიანსაც. საბოლოოდ, სტუმრებმა თთ მეოთხედიო 10 და მეტი ქულით მოიგეს.
ყველაზე შედეგიანი გამარჯვებულთა რიგებიდან 16 ქულით მაქსიმ დე ზეუვი იყო. „ვითას“ მხრიდან 20 ქულით ირაკლი ჩლაიძე გამორიჩა. აღსანიშნავია ახალაგზრდა რუსი ლეგიონერის ვლადისლავ სტარატელევის თამაშიც – მან 17 ქულა დააგროვა.
„ვითა“ – „ნიმბურგი“ 59:119 (17:37, 12:24, 15:32, 15:26)
შემდეგ შეხვედრას ქართლი კლუბი გასვლაზე ყაზახურ „ასტანასთან“ გამართავს.
თბილისის „ვითას“ უკანახაზელი პიერია ჰენრი ვითიბი ლიგის ნოემბერის საუკეთესო ახალგაზრდა მოთამაშერდ დასახელდა.
სეზონის ბოლოს ვითიბი-ს გაერთიანებული ლიგა საუკეთესო ახალაგზრდა კალათბურეთელსაც დაასახელებს, რომლის ასაკი 23 წლამდეა.
22 წლის ამერიკელმა გასულ თვეში ხუთი მატჩი ჩაატარა, რომელშიც მისი საშუალო მონაგარი 14,4 ქულას, 8,6 მოხსნას, 5,6 გადაცემას, 2,6 ჩაჭრასა და ეფექტურობის 18,2 ქულას შეადგენს.
„პირველ რიგში, ჩემს კლუბს მადლობას ვუხდი. ასევე ამას მწვრთნელებიც და თანაგუნდელებიც იმსახურებენ, რომლებიც მენდობიან და ჩემი სჯერათ. ჩემთვის ეს პრიზი მნიშვნელოვანია. შევეცდები, პროგრესი გავაგრძელო, რათა „ვითას“ მოგებაში დავეხმარო“, – განაცხადა ჰენრიმ.
ვითიბი ლიგის რეგულარულ ჩემპიონატის მორიგ ტურში თბილისის „ვითა“ კრასნოიარსკში ჩავიდა, სადაც „ენისეის“ შეხვდა და ანგარიშით 73:83 დამარცხდა. მასპინძლებმა უკვე შეხვედრის დასაწყისში ინიციატივა მოიპოვეს და, თბილისელთა მხრიდან წინააღმდეგობის მიუხედავად, სიტუაციას შეხვედრის ბოლომდე აკონტროლებდნენ.
კრასნოიარსკში „ვითა“ არაოპტიმალური შემადგენლოობით ჩავიდა – გუნდში სერიოზული ცვლილებებია. ასე წინა კვირას გუნდი უკრაინელმა ალექსეი ლიპოვიმ დატოვა, რომელიც სათამაშოდ უნგრეთში წავიდა. გარდა ამისა, ახალაგზრდა ლუკა ზაქრაძე თბილისის „დინამოში“ გადაბარგდა. შედეგად, პაველ გოოგემ ამ შეხვედრის განაცხადში მხოლოდ 8 მოთამაშე შეიყვანა, თანაც დღეს რელსტონ თერნერსაც არ უთამაშია. რუსულმა კლუბმა, თავის მხვრივ, სრულფასოვანი შემადგენლობაში გამოიყვანა, რომელსაც მხოლოდ დენის ზახაროვი დააკლდა – მას დასვენების საშუალება მიეცა.
თავისი სტატუსი მასპინძლებმა პირველივე წამებიდან გაამართლეს. დევიდ კენედის სწრაფი შეტევების დახმარებით სიბირელები დასაწყისშივე საგრძნობლად იგებდნენ. მეორე მეოთხედის ბოლოს კონსტანტინ ანიკეენკოს რამდენიმე შეტევის და ირაკლი ჩლაიძის ორი „სამიანის“ შემდეგ „ვითამ“ სხვაობა მინიმუმამდე შეამცირა. სრულ ტრიუმფამდე ქართველებს ხელი ალექსეი ვზდიხალკინისა და ანდრეი კომაროვსკის ჩაგდებებმა შეუშალეს. საბოლოოდ, დიდი შესვენების წინ „ენისეი“ ანგარიშით 40:32 იგებდა.
გასახდელში მასპინძელთა თავკაცმა სწორი სიტყვები იპოვა – მესამე მეოთხედის დასაწყისში მისი გუნდი უკვე 8:0 იგებდა. ამის შემდეგ უპირატესობას კვლავ მასპინძლები ფლობდნენ. შეხვედრის ბოლოსკენ „ვითა“ თითქოს გააქტიურდა და კვლავ ჩლაიძის დახმარებთ სხვაობა ოთხ ქულამდე შეამცირა – 74:70, მაგრამ მატჩი „ენისეის“ გამარჯვებით, 83:73 დასრულდა.
„ვითას“ მხრიდან 24 ქულით საუკეთესო სწორედ ჩლაიძე იყო. სათქმელია, რომ ჩლაიძემ დღეს 6 სამქულიანის ჩაგდება მოახერხა. გამარჯვებულთა რიგებიდან მასზე 1 ქულით ნაკლები დევიდ კენედიმ დააგროვა.
„ენისეი“ – „ვითა“ 83:73 (17:10, 23:22, 21:16, 22:25)
