პსჟ-ს თავდამსხმელმა ზლატან იბრჰაიმოვიჩმა, რომლის პარიზელებვთან კონტრაქტი დასასრულს მიუახლოვდა, განაცხადა, რომ მომავალთან დაკავშირებით გადაწყვეიტლება მიიღო. ამავდროულად ზლატანს არ უთქვამს, თუ რომელი კლუბის მაისურს მოირგებს.
„ჩემი მომავალი უკვე დაწერილია. არჩევანი გავაკეთე. მნიშვნელობა არ აქვს, ხელშეკრულება ევროპის ჩემპიონატამდე გაფორმდება თუ არა. პრესაში ჩემ შესახებ დაწერილი სიახლეებისგან სიამოვნებას ვიღებ. ამ ყველაფრისთვის თვალყურის დევნა სახალისოა. ინტერესი ყველა ქვეყნიდანაა, ვგულისხმობ ინგლისს, იტალიას და სხვა ლიგებს. არის კონკრეტული წინადადებებიც და ბევრი ალტერნატივა. ახლა მხოლოდ ევრო-2016-ზე ვფიქრობ“, – ციტირებს ზლატანს პორტალი Goal.
ბოლო დროს იბრას სახელს „მანჩესტერ იუნაიტედს“ უკავშირებენ.
