“მანჩესტერ სიტის” ესპანელი შემტევი, ნოლიტო აღიარებს, რომ მანჩესტერული კლუბის დატოვებაზე ფიქრობს, რომელსაც გასულ ზაფხულს შეუერთდა.
“ბოლო დროს ძალიან ცოტას ვთამაშობ. ჩემი ერთადერთი სურვილი მოედანზე გამოსვლა და თამაშია, მაქსიმალურად ვცდილობდი ჩემი შანსების გამოყენებას.
ახლა კი კლუბის დატოვება და უკან, ესპანეთში დაბრუნება მინდა. მინდა ვითამაშო, მე სწორედ ეს მაბედნიერებს.
გვარდიოლა აღარ მენდობა, მაგრამ კლუბი ჩემს სანაცვლოდ დიდ თანხას ითხოვს. დიდი სიამოვნებით გადავიდოდი “სევილიაში”, “სელტაში”, ან სხვა რომელიმე კლუბში,” – აცხადებს ნოლიტო.
