“ჰანოვერის” ახალგაზრდული გუნდის სამ ფეხბურთელს ადგილობრივი კაზინოს გაძარცვის განზრახვის გამო განუსაზღვრელი ვადით კლუბისგან დისკვალიფიკაცია მიესაჯა. მოთამაშეთა გვარები არ სახელდება.
ცნობილია, რომ ისინი შეიარაღებულნი იყვნენ გაზის იარაღებით, სახეზე კი ნიღბები ეკეთათ. ბოლო მომენტში ფეხბურთელებმა კაზინოს გაძარცვა გადაიფიქრეს, თუმცა უკან დაბრუნებისას სამართალდამცველებმა გააჩერეს. სამივე მათგანმა აღიარა, რომ კაზინოს გაძარცვას აპირებდნენ.
“ჩვენი კლუბი ფეხბურთელთა მხრიდან ასეთ ქმედებას არ შეეგუება”, – ციტირებს “ჰანოვერის” წარმომადგენლის სიტყვებს “შპიგელი”.
