ბრიტანული პრესა იუწყება, რომ ლონდონის “არსენალის” ნახევარმცველ გრანიტ ჯაკას რასიზმში ადანაშაულებენ. შვეიცარიელი ფეხბურთელი სამართალდამცველებმა უკვე დაკითხეს.
“დეილი მეილის” ცნობით, ჯაკამ ლონდონის ჰითროუს აეროპორტის თანამშრომელს რასობრივ ნიადაგზე შეურაცხყოფა მიაყენა. ინციდენტი ინგლისის პრემიერლიგის 22-ე ტურში “ბარნლის” წინააღმდეგ გამართული მატჩის (2:1) მეორე დღეს მოხდა. შეგახსენებთ, რომ აღნიშნულ შეხვედრაში ჯაკას წითელი ბარათი უჩვენეს.
შვეიცარიელ ფეხბურთელს აეროპორტში მეგობარი ახლდა, რომელიც თვითმფრინავში არ აუშვეს. მას განუმარტეს, რომ რეისზე ჩასხდომა უკვე დასრულებული იყო. წყაროს თანახმად, გაბრაზებულმა ჯაკამ აეროპორტის თანამშრომელს გერმანულ ენაზე შეურაცხყოფა მიაყენა.
