ჭდე: Davit Targamadze

დონეცკის “შახტარის” აწ უკვე ყოფილი ნახევარმცველი დავით თარგამაძე შესაძლოა, ლუგანსკის “ზორიას” შეუერთდეს. ამ ინფორმაციას უკრაინული პრესა ავრცელებს.

ქართველ ფეხბურთელს “მეშახტეებთან” კონტრაქტი მიმდინარე წლის პირველ იანვარს ამოეწურა და ახლა თავისუფალი აგენტის სტატუსით სარგებლობს.

შეგახსენებთ, რომ გასული წლის მარტში “ოლექსანდრიაში” განათხოვრებულმა დავით თარგამაძემ კრივოი როგის “გორნიაკთან” გამართულ ამხანაგურ შეხვედრაში ფეხი მოიტეხა. მას შემდეგ 27 წლის ქართველ გარემარბს არ უთამაშია.

“ზორიას” უკრაინის პრემიერლიგაში 18 ტურის თავზე მესამე ადგილი უკავია.

საქართველოს ნაკრების შემტევმა ნახევარმცველმა დავით თარგამაძემ “ალექსანდრიასთან” კონტრაქტი გაახანგრძლივა.

ამის შესახებ 26 წლის ფეხბურთელის აგენტმა ვადიმ შაბლიმ განაცხადა.

“ჩემპიონატის პირველმა ნაწილმა აჩვენა, რომ დავით თარგამაძე “ალექსანდრიასთვის” ისეთივე ფეხბურთელია, როგორც კრიშტიანუ რონალდუ მადრიდის “რეალისთვის”. საიჯარო ხელშეკრულება ექვსი თვით გახანგრძლივდა. ეს ვლადიმირ შარანისთვის (“ალექსანდრიას” მთავარი მწვრთნელი) კარგი სატრანსფერო ნაბიჯია. დავითი მნიშვნელოვნად აძლიერებს “ალექსანდრიას” შეტევებს”, – აღნიშნა თარგამაძის აგენტმა.

შეგახსენებთ, რომ დავით თარგამაძე დონეცკის “შახტარის” საკუთრებაა. ქართველმა ფეხბურთელმა მიმდინარე სეზონში “ალექსანდრიას” რიგებში 10 მატჩი ჩაატარა და ერთი გოლი გაიტანა.