ჭდე: Jorge Sampaoli

“სევილიას” არგენტინელმა მთავარმა მწვრთნელმა ხორხე სამპაოლიმ განაცხადა, რომ “ბარსელონას” ლიდერი ლიონელ მესი მსოფლიოს საუკეთესო მოთამაშეა და მისი შედარება სხვა ფეხბურთელებთან არარელევანტურია.

“მე ყოველთვის ვამბობდი, რომ მესის შედარება დანარჩენ ფეხბურთელებთან იგივეა, რაც ბეტმენის შედარება კარგ პოლიციელთან”, – ციტირებს სამპაოლის კომენტარს beIn Sports Espana.

რამდენიმე დღის წინ გავრცელებული ინფორმაციით, “ბარსელონას” თავკაცის პოსტიდან ლუის ენრიკეს წასვლის შემთხვევაში, ლეო მესის სურს, რომ გუნდი სწორედ სამპაოლიმ ჩაიბაროს. ცნობისთვის, ლუის ენრიკეს კატალონიურ კლუბთან მოქმედი შრომითი ხელშეკრულება მიმდინარე წლის 30 ივნისს ეწურება.

ჩილეს ნაკრების მთავარი მწვრთნელი ხორხე სამპაოლი მიიჩნევს, რომ ლიონელ მესის, ლუის სუარესისა და ნეიმარის ერთ გუნდში თამაში მეტოქეებს შანსს არ უტოვებს, რის გამოც მსოფლიო ფეხბურთის მმართველი ორგანოს მხრიდან გარკვეული ზომებია მისაღები.

“ფიფა ამაში უნდა ჩაერიოს. მესის, სუარესისა და ნეიმარის მეგობრობა ყველაზე ცუდი რამაა, რაც ფეხბურთში მომხდარა. მესის მატჩების მოგება მარტოს შეუძლია და თუ მის გვერდით სუარესი და ნეიმარიც იქნებიან, მეტოქე უბრალოდ განწირულია. ეს უნდა აიკრძალოს.
ეს სამეული “რეალის” სამეულისგან იმით განსხვავდება, რომ მადრიდელები შეთანხმებულად არ თამაშობენ. რონალდუსა და ბეილს მარტო მოქმედება ურჩევნიათ. მხოლოდ ბენზემას სიტუაციის შეცვლა არ ძალუძს”, – ციტირებს სამპაოლის სიტყვებს elpais-ი.