ინტერნეტ-სივრცეში გავრცელდა ვიდეო, რომელშიც გასული სეზონის განმავლობაში გატანილი 100 საუკეთესო გოლია ნაჩვენები.
აღსანიშნავია, რომ ასეულში ნიკა კაჭარავას, თორნიკე ოქრიაშვილისა და ლევან მჭედლიძის გოლები მოხვდა.
ჭდე: კაჭარავა
“ცხინვალმა” მზადება თბილისში დაიწყო
პირველი ქართული გუნდი, რომელმაც მომდევნო სეზონისთვის დაიწყო მზადება “ცხინვალია”. კახა კაჭარავას შეგირდებმა საქართველოს სახელით ევროპის ლიგაზე უნდა ითამაშონ და ამ ტურნირისთვის მოსამზადებელი ეტაპი გუნდმა დღეს, ტექნიკურ ცენტრ ბასაზე დაიწყო.
ცნობილია, რომ სეზონის დასრულების შემდეგ გუნდი გიორგი ფანცულაიამ, ლაშა შინდაგორიძემ, თეიმურაზ მარკოზაშვილმა, დავით გელაშვილმა და ლაშა კემუხტაშვილმა დატოვეს.
ახალწვეულების შესახებ კი ინფორმაცია ჯერჯერობით არ ვრცელდება. ევროპის ლიგის გათამაშებას ცხინვალელები 2 ივლისს დაიწყებენ. მეთი მეტოქის ვინაობა კი ივნისის ბოლოს გაირკვევა.
ნიკა კაჭარავამ სან მარინოს წარმოუდგენელი გოლი გაუტანა (ვიდეო)
3 ივნისს, სან მარინოსა და საქართველოს 21-წლამდე ნაკრებებს შორის გამართულ მატჩში 57-ე წუთზე ნიკა კაჭარავამ საოცარი გოლი გაიტანა და ანგარიში 0:2 გახადა.
კახი კაჭარავა: “პენალტის ეპიზოდში მსაჯი აშკარად შეცდა”
“დინამოსა” და “ცხინვალს” შორის საქართველოს თასის ნახევარფინალური მატჩის დასრულების შემდეგ კომენტარი ცხინვალელთა მთავარმა მწვრთნელმა, კახი კაჭარავამ გააკეთა.
კახი კაჭარავა: “ვფიქრობ, რომ საინტერესო თამაში გამოვიდა. “დინამომ” გარკვეულ ეპიზოდებში გვაჯობა. ჩვენი მთავარი პრობლემა კი დასკვნით ფაზაში იყო.
ბოლო წუთებში დაღლა დაგვეტყო და მეტოქეს მეტის გატანაც შეეძლო. შემდეგ თამაშს სხვანაირად ვითამაშებთ.
ჩვენი შემადგენლობა თუ შევინარჩუნეთ მომავალ წელს გაცილებით დიდი გეგმები გვექნება. რა თქმა უნდა გაძლიერებაც გვინდა, თუმცა ეს მხოლოდ ქართველი ფეხბურთელებით უნდა მოხდეს.
მსაჯობაზე საუბარი არ მიყვარს, მაგრამ დღეს, მთავარი არბიტრი აშკარად შეცდა, როდესაც ჩვენს კარში პენალტი დანიშნა”
“სპარტაკი” ანტალიაშია
ცხინვალის „სპარტაკი“ ანტალიაში გაემგზავრა და სასტუმრო „რამადაში“ დაბინავდება. კახა კაჭრავას გუნდი თურქული შეკრების ფარგლებში 4 საკონტროლო მატჩს გამართავს.
ყველა სპარინგ–პარტნიორის ვინაობა უკვე ცნობილია. “სპარტაკი” 4 თებერვალს რუმინული უმაღლესი ლიგის გუნდს, ბრაშოვის „კორონას“ შეხვდება, 6 თებერვალს – სერბულ „დონჟი სრემს,“ 8–ში – მაკედონიურ „რაბოტნიჩკის,“ 10 თებერვალს კი დასკვნით საკონტროლო მატჩს ჩინურ „გრინთაუნთან“ ჩაატარებენ.
პირველი ეტაპი – სპარტაკი
Fanebi.com აგრძელებს უმაღლესი ლიგის პირველი ეტაპის შეჯამებას. დღეს ჩვენი სტუმარი, საფეხბურთო კლუბი “სპარტაკი” იქნება.
პირველი ლიგიდან უმაღლესში დაბრუნებულმა “სპარტაკმა”, როგორც მოსალოდნელი იყო მთელი პირველი ეტაპი ცხრილის ქვედა ნაწილში გაატარა და ზამთრის არდადეგებზე მეათე პოზიციით გავიდა.
ცხინვალელთა ახალგაზრუდლი კოლექტივი უმაღლესში ვოვა ხაჩიძემ გადმოიყვანა და ბუნებრივია, რომ გამოცდილ სპეციალისტს გუნდის გაძღოლა წელაც ანდეს. თუმცა, სეზონის სტარტი “სპარტაკმა” ჩააგდო. ცხინვალელებმა სასტარო ხუთი ტურში წააგეს და პირველი ქულები მეექვსე ტურში მოიპოვეს, როდესაც “ზესტაფონის” დამარცხება მოახერხეს 93-ე წუთზე, კაკაშვილის გატანილი გოლით. მაგრამ ეს მხოლოდ ეპიზოდური გამონათება აღმოჩნდა და “სპარტაკმა” ახლა უკვე ოთხმატჩიანი მოუგებელი სერია გამოაცხო და მხოლო 1 ქულა მოიპოვა, რასაც ხაჩიძის პოსტი შეეწირა. მის ნაცვლად ქართულ საფეხბურთო საზოგადოებაში კარგად ნაცნობი, თბილისის “დინამოსა” და “ზესტაფონის” ყოფილი მთავარი მწვრთნელი, კახა კაჭარავა დაინიშნა. უნდა ითქვას, რო კაჭარავამ ნამდვილად გამოასწორა “სპარტაკის” თამაში. მის სადებიუტო შეხვედრაში “სპარტაკმა” “ვიტ ჯორჯია” დაამარცხა, შემდეგ კი მარტვილის “მერანსაც” მოუგო. ქუთაისის “ტორპედოსთან” გამართულ სათასო დაპირისპირებაში კი, “სპარტაკი” მხოლოდ პენალტების სერიაში დამარცხდა.
თუმცა იყო მარცხების. კაჭარავას “სპარტაკი” თბილისის “დინამოსთან” განადგურდა (0:4), წააგო დრამატული მატჩი ბოლნისის “სიონთან” (2:3) და ქუთაისში მინიმალური ანგარიშით დათმო “ტორპედოსთან” მატჩი.
2013 წლის უკანაკნელი ორი მატჩი სპარტაკელებმა კარგად ჩაატარეს. ცხინვალელებმა რუსთავის “მეტალურგი” დაამარცხეს და გორის “დილასთან” ფრე ითამაშეს. სწორედ ამ ქულების ხარჯზე შესძლეს კაჭარავას შეგირდებმა გასვარდნი ზონიდან ამოსვლა. თუმცა, ცხრილის ქვედა ნაწილში დიდი სიმჭირდოვეა და ყველაფერი სეზონის ბოლოს გაირკვევა.