საქართველოს მორაგბეთა ეროვნული ნაკრების კაპიტანმა, მამუკა გორგოძემ რუსეთის წინააღმდეგ გასამართ შეხვედრაზე ჟურნალისტებთან ისაუბრა.
“რაგბი ისეთი თამაშია, რომ ვინც არ უნდა ითამაშოს, ის მოტივირებული უნდა იყოს. რუსეთი ბრძოლისუნარიანი გუნდია. შეიძლება, მეტოქე ათჯერ დაამარცხო, მაგრამ ყოველთვის მომზადებული უნდა იყო.”
შეგახსენებთ, რომ საქართველოსა და რუსეთის ნაკრებებს შორის მატჩი 12 მარტს, 18:00 საათზე დაიწყება.
უელსულმა პორტალმა WalesOnline.co.uk-მა ამ დროისათვის პლანეტის 50 საუკეთესო მორაგბე დაასახელა. აღსანიშნავია, რომ საუკეთესოთა შორის საქართველოს ნაკრების კაპიტანი მამუკა გორგოძე მოხვდა.
მოგეხსენებათ, ბოლო წლებში, მამუკა მსოფლიოში ერთ-ერთი ყველაზე გამორჩეული მოთამაშეა. უელსურმა გამოცემამ ის 34-ე პოზიციაზე დააყენა.
რაც შეეხება საუკეთესო ათეულს, ის ასე გამოიყურება:
10. ისრაელ ფოლაუ (ავსტრალია)
9. აარონ სმიტი (ახალი ზელანდია)
8. მიშელ ჰუპერი (ავსტრალია)
7. ალუნ ვინ ჯონსი (უელსი)
6. შალკ ბურგერი (სამხრეთ აფრიკა)
5. ბრაიან ჰაბანა (სამხრეთ აფრიკა)
4. ჟულიან სავეა (ახალი ზელანდია)
3. სერხიო პარიზე (იტალია)
2. დევიდ პოკოკი (ავსტრალია)
1. დენ კარტერი (ახალი ზელანდია)
