ჭდე: რიად მარეზი

“ლესტერ სიტის” ალჟირელი გარემარბი რიად მარეზი ხმაურიან ტრანსფერთან ძალინა ახლოსაა. Daily Mirror-ის ცნობით, რიად მარეზი უახლოეს მომავალში “მანჩესტერ სიტის” ოფიციალური წევრი გახდება.

როგორც ცნობილი ხდება, “ქალაქელები” “მელიებს” 75 მილიონ ფუნტს უხდიან ალჟირელის ტრანსფერში. ტრანსფერის დასრულებამდე კი რამდენიმე მცირე დეტალის დაზუსტებაა დარჩენილი.

პარალელურად “ლესტერი” მოლაპარაკებებს “მანჩესტერ სიტის” გარემარბ პატრიკ რობერტსთან აწარმოებს. რობერტსმა ბოლო სამი სეზონი “სელტიკში” გაატარა და საკმაოდ კარგ მომავალსაც უწინასწარმეტყველებენ.

“ლესტერ სიტის” ხელმძღვანელებმა გუნდის ალჟირელ ლიდერთან, რიად მარეზთან მცირე შეთანხმებას მიაღწიეს. ამის შესახებ ინფორმაციას ESPN ავრცელებს.

როგორც იცით, “მანჩესტერ სიტი” მზად იყო, ზამთრის სატრანსფერო ფანჯარაზე 65 მილიონი ფუნტი გადაეხადა რიად მარეზის ტრანსფერში. თუმცა “მელიებმა” ამ წიანდადებას უარით უპასუხეს.ინგლისის პრემიერ ლიგის 2015/16 წლების ჩემპიონის ამ ქმედებამ მარეზის განრისხება გამოიწვია და ის ბოლო რამდენიმე დღე ვარჯიშზე არ გამოცხადებულა.

ხანგრძლივი მოლაპარაკებების შემდეგ, ინგლისური კლუბის ხელმძღვანელებმა მაინც მიაღწიეს შეთანხმებას მარეზთან: რიადი მხოლოდ იმ შემთხვევაში შეძლებს “ლესტერის” დატოვებას, თუ კიდევ ერთხელ გამოთქვამს წასვლის სურვილს და პრემიერ ლიგასაც დაემშვიდობება.

მიმდინარე სეზონში მარეზმა 27-ჯერ მოიგო “ლესტერის” მაისური, გაიტანა ცხრა გოლი და გააკეთა შვიდი საგოლე გადაცემა.

“ლესტერ სიტის” მთავარმა მწვრთნელმა, კლოდ პუელმა პრესასთან რიად მარეზის მომავალი განიხილა და აღნიშნა, რომ ალჟირელი შემტევი ისევ უახლოვდება ფორმის პიკს და შესაძლოა, მომავალში მისი ფასი 100 მილიონ ფუნტამდეც აიწიოს.

“შესაძლოა, წელს მისი ფასი 100 მილიონი გახდეს, ან ამ ნიშნულსაც გასცდეს. ყველაფერი, რასაც ვკითხულობთ, უბრალო ჭორებია მის შესახებ.

რაც მთავარია, ჩვენ მის სახეზე ღიმილს ვხედავთ, მარეზს სიამოვნებს ფეხბურთის თამაში და თავის თანაგუნდელებთან ურთიერთობა. მინდა, ცოტა დაისვენოს, მაგრამ ვარჯიშების შემდეგ მაინც თამაშობს და თავს იტვირთავს.

ძალიან ბევრს მუშაობს და შედეგიც აქვს, გუნდისთვის ის უმნიშვნელოვანესი ფიგურაა. ის უდიდეს პროგრესს განიცდის და იმედია, მომავალ სეზონშიც ჩვენთან იქნება,” – აცხადებს პუელი.

“ლესტერ სიტის” ხელმძღვანელები მზად არიან, გუნდის ერთ-ერთ ლიდერს, რაიდ მარეზს შეელიონ. ბრიტანული პრესის ცნობით, “მელიებს” ალჟირელი ფეხბურთელი ზამთრის სატრანსფერო ფანჯრის მიმდინარეობისას დატოვებს.

როგორც იცით, რიად მარეზი “ლესტერ სიტის” მიერ გამოცხობილი სასწაულის ერთ-ერთი მთავარი შემოქმედი იყო – როდესაც “ლესტერშირელები” ყველასათვის გასაკვირად პრემიერ ლიგის ტიტულს დაეუფლენ.

ჯერჯერობით უცნობია, თუ რა თანხას ითხოვენ “მელიები” მარეზის სანაცვლოდ. ალჟირელ ფეხბურთელს აქამდე “არსენალში”, “რომასა” და “ბარსელონაში” უწინასწარმეტყველებდნენ კარიერის გაგრძელებას.

მიმდინარე სეზონში მარეზმა პრემიერ ლიგის ყველა (22) მატჩში მიიღო მონაწილეობა, გაიტანა 7 გოლი და გააკეთა 10 საგოლე გადაცემა.

ინგლისის პრემიერ ლიგაში მოასპარეზე “ლესტერ სიტის” მთავარმა მწვრთნელმა, კრეიგ შექსპირმა რიად მარეზის გარშემო არსებულ სიტუაციას გაუკეთა კომენტარი.

“ფაქტი, რომ ფეხბურთელები ღიად საუბრობენ საკუთარი მომავლის შესახებ, ძალიან სამწუხაროა. დღეს ასეთი რამ ხშირად ხდება და ამის უკან შესაძლოა, ბევრი მიზეზი იყოს.

ჩვენ ვიცით რიადის სურვილების შესახებ, მას კლუბის დატოვება უნდა, მაგრამ თუ შემოთავაზება არ გვექნება, არაფერიც არ მოხდება. ამ დროისთვის, ის ჯერ კიდევ ჩვენი ფეხბურთელია.

მარეზმა პროფესიონალიზმი უნდა გამოავლინოს, სამწვრთნელო შტაბს, მწვრთნელსა და გულშემატკივრებს პატივისცემით მოექცეს. ის ჩვენი ფეხბურთელია, თუმცა, თუ მასში მონდომებას ვერ დავინახავ, არ ვათამაშებ,” – აცხადებს შექსპირი.