“უდინეზეს” ყოფილი თავდამსხმელი ანტონიო დი ნატალე და ექს-თავკაცი ფრანჩესკო გვიდოლინი შესაძლოა, გუნდში დაბრუნდნენ. “ლა გაძეტა დელო სპორტის” ცნობით, თუ “ზებრები” “სასუოლოს” წინააღმდეგ დღეს გასამართ შეხვედრაში გამარჯვებას ვერ მოიპოვებენ, ლუიჯი დელ ნერის მთავარი მწვრთნელის პოსტიდან გაათავისუფლებენ. გუნდმა გათამაშების საწყის ცხრა ტურში მხოლოდ ორი გამარჯვება მოიპოვა, დანარჩენ მატჩებში კი დამარცხდა და სატურნირო ცხრილში მე-15 ადგილი უკავია.
ამრიგად, ლუიჯი დელ ნერი შესაძლოა, ფრანჩესკო გვიდოლინმა შეცვალოს, მის სამწვრთნელო შტაბში კი იტალიელი ჟურნალისტები ტოტო დი ნატალეს შეყვანას ვარაუდობენ.
შეგახსენებთ, რომ დი ნატალე “უდინეზეს” ღირსებას 2004-დან 2016 წლამდე იცავდა, გვიდოლინი კი გუნდს 1998–1999 და 2010–2014 წლებში თავკაცობდა.
