ჭდე: კრისტიან ფუკსი

“ლესტერ სიტის” მცველი კრისტიან ფუკსი, რომელსაც გერმანიაშიც აქვს ნათამაშები (“ბოხუმის”, “მაინცისა” და “შალკეს” რიგებში) აცხადებს, რომ გერმანული ჩემპიონატი გაცილებით უფრო მოსაწყენია, ვიდრე ინგლისური პრემიერ ლიგა.

“გულწრფელად ვიტყვი – ბუნდესლიგა მოსაწყენია. 95% შემთხვევაში “ბაიერნი” იგებს მატჩს. ინგლისში კი გაცილებით მაღალი დონეა და ნებისმიერს შეუძლია ნებისმიერის დამარცხება.

რაც შეეხება ჩვენი წარმატების მიზეზს, პირველ რიგში ეს გაწეული შრომის ბრალია. ამასთანავე კლუბში ყველა ერთმანეთს ეხმარება, არც შურია და არც მტრობა. უბრალოდ გავდივართ მოედანზე, სიამოვნებას ვიღებთ და ვიგებთ.

ამაყი ვარ. თუმცა ვერ ვიტყვი, რომ ყველაფერი მოულოდნელად მოხდა. გუნდის პოტენციალი ზაფხულშივე შევამჩნიე.” – განაცხადა მან.