ქალის თეთრეულის მწარმოებელმა ცნობილმა ბრენდმა Victoria’s Secret-მა მსოფლიოს ყველაზე სექსუალურ ქალ სპორტსმენად ამერიკის შეერთებული შტატების საფეხბურთო ნაკრების თავდამსხმელი ალექს მორგანი დაასახელა.
რეიტინგი 18 სპორტსმენისგან შედგა, თუმცა დანარჩენთა ვინაობა არ ხმაურდება. ცნობილია მხოლოდ ის, რომ ალექს მორგანმა ჩოგბურთელები, ფრენბურთელები და ტანმოვარჯიშეები ჩამოიტოვა.
ალექს მორგანი ლონდონის ოლიმპიადის გამარჯვებული და მსოფლიოს მოქმედი ჩემპიონია. მას აშშ-ის ნაკრების რიგებში ჩატარებულ 108 მატჩში 64 გოლი აქვს გატანილი.
შეგახსენებთ, რომ ალექს მორგანი “ორლანდო პრაიდის” ღირსებას იცავს.
