ჭდე: ასაკობრივი ნაკრებები

ოთხიდან სამი მოგება სომხეთთან

Posted on by ცოტნე შაორშაძე

საქართველოს 15 და 16-წლამდე ნაკრებებმა 27 და 29 ნოემბერს 4 ამხანაგური მატჩი ჩაატარეს სომეხ თანატოლებთან. გიორგი ჩიტაურის გაწვრთნილმა 15-წლამდელებმა ორივე მოიგეს – 3:0 და 1:0. გოლები ჯიბლაძემ (2), გაგნიძემ და ვაზაგაშვილმა გაიტანეს. ზვიად ჯელაძის 16-წლამდელებმა კი ჯერ 1:0 გაიმარჯვეს ტორონჯაძის გოლით, მერე კი 0:1 დათმეს.

ამ შეხვედრებით ნაკრებებმა შეკრებაც დაასრულეს. თუმცა რამდენიმე დღეში 15-წლამდე ნაკრებს უკვე საერთაშორისო ტურნირი ელის – 5-8 დეკემბერს თბილისში ბელარუსის, თურქეთისა და ლიტვის ნაკრებები ჩამოვლენ.

Gff.Ge

21-წლამდე ნაკრებში ორი ცვლილება მოხდა

Posted on by კახა ყიფიანი
საქართველოს ახალგაზრდული ნაკრები ტექნიკურ ცენტრ “ბასაზე” შეიკრიბა და ისლანდიასთან 22 და 25 მარტს გასამართი ამხანაგური მატჩებისთვის ემზადება. გია გეგუჩაძის გუნდი ორივე შეხვედრას თბილისში, მიხეილ მესხის სახელობის სტადიონზე ჩაატარებს. პირველი მატჩი 19 საათზე გაიმართება, ხოლო მეორე – 14 საათზე.

ნაკრების მთავარმა მწვრთნელმა ისლანდიელებთან სათამაშოდ 24 ფეხბურთელი გამოიძახა, თუმცა ეროვნული ლიგის მესამე ტურის შემდეგ შემადგენლობაში კორექტივების შეტანა მოუხდა – ტრავმების გამო 21-წლამდელებს “საბურთალოს” მცველი ცოტნე ნადარაია და “ლოკომოტივის” ფლანგელი ირაკლი კომახიძე გამოაკლდნენ. მათ ნაცვლად გია გეგუჩაძემ შეკრებაზე თბილისის დინამოელი დავით კობოური და მარტვილის “მერანის” მცველი ანდრო გიორგაძე მიიწვია.

მეკარეები: ლაზარე კუპატაძე (საბურთალო), ბექა ქურდაძე (ლოკომოტივი), ლუკა გუგეშაშვილი (იაგელონია, პოლონეთი);

მცველები: გაგი მარგველაშვილი (საბურთალო), აკაკი შულაია (მერანი), რომან ჩაჩუა (შუქურა), ანრი ჭიჭინაძე (ტორპედო), ლუკა ლოჩოშვილი (დინამო), დავით კობოური (დინამო), ანდრო გიორგაძე (მერანი);

ნახევარმცველები: გიორგი ზარია (დინამო), ლუკა ზარანდია (არკა, პოლონეთი), გურამ გიორბელიძე (სიონი), ვლადიმერ მამუჩაშვილი (საბურთალო), სანდრო ალთუნაშვილი (საბურთალო), გიორგი კიკნაძე (ლოკომოტივი), ირაკლი ბიძინაშვილი (საბურთალო), გიორგი ჩაკვეტაძე (დინამო), გიორგი ხარაიშვილი (საბურთალო), ლევან მაჭარაშვილი (სტუმბრასი, ლიტვა);

თავდამსხმელები: გიორგი ბერიძე (ტრენჩინი, სლოვაკეთი), ბექა მიქელთაძე (დინამო), რომან ჭანტურია (ემპოლი, იტალია), ლუკა იმნაძე (საბურთალო).

 წყარო: Gff.Ge

საქართველოს ასაკობრივი ნაკრებების მეტოქეთა ვინაობა გაირკვა

Posted on by Levan

ევროპის ჩემპიონატზე საქართველოს ასაკობრივი ნაკრებების მეტოქეები გაირკვა. 16, 18 და 20-წლამდელთა ნაკრებები მომავალ ზაფხულს კონტინენტის პირველობის „ბ“ დივიზიონში იასპარეზებენ და წარმატების შემთხვევაში 2016 წლის ევროპირველობის „ა“ დივიზიონში მონაწილეობის უფლებას მოიპოვებენ.

20-წლამდელთა ნაკრებს 9-19 ივლისს უნგრეთის ქალაქ სეკეშფეხერვარში მოუწევს ასპარეზობა, სადაც „ბ“ ჯგუფში მისი მეტოქეები იქნებიან: ლუქსემბურგი, მონტენეგრო, პორტუგალია და სავარაუდოდ, კოსოვო. იასპარეზებს თუ არა ეს უკანასკნელი ევროპის ჩემპიონატზე, ფიბა-ს გადაწყვეტილებაზეა დამოკიდებული, რომელმაც კოსოვოს საკუთარ ორგანიზაციაში მიღება-არმიღების საკითხი უახლოეს მომავალში უნდა გადაწყვიტოს.

18-წლამდელთა ნაკრები 23 ივლისიდან 2 აგვისტოს ჩათვლით ავსტრიის ქალაქ ობერვარტში იასპარეზებს. საქართველო C ჯგუფში მოხვდა პორტუგალიასთან, შოტლანდიასთან, რუმინეთთან, შვედეთთან და სლოვაკეთთან ერთად.

16-წლამდელთა ნაკრები 6-16 აგვისტოს ბულგარეთის დედაქალაქ სოფიაში იასპარეზებს. ნიკოლოზ ჩერქეზიშვილის გაწვრთნილი ნაკრები C ჯგუფში მოხვდა, სადაც ჩვენი მეტოქეები იქნებიან უნგრეთი, შვეიცარია, ბელგია, ლუქსემბურგი და ბელარუსი.

gbf.ge

ასაკობრივი ნაკრებების ევროკალენდარი ცნობილია

Posted on by Levan

ევროპის 2015 წლის ასაკობრივი ჩემპიონატების გამართვის ადგილები და თარიღები ცნობილია. ფიბა-ევროპამ 16, 18 და 20-წლამდელთა ჩემპიონატები ევროპის ქვეყნებში გაანაწილა.

ეროვნული ნაკრებებისგან განსხვავებით ასაკობრივებში ფიბა-ევროპამ „ა“ და „ბ“ დივიზიონები არ გააუქმა. ეს კი იმას ნიშნავს, რომ კონტინენტის ჩემპიონობისთვის „ა“ დივიიონის წევრები იბრძვიან, ხოლო „ბ“ დივიზიონის წარმომადგენლები – „ა“-ში ასანაცვლებლად.

ჩვენი ინტერესი სამივე ასაკის „ბ“ დივიზიონისკენა მიმართული. მაშ ასე:

20-წლამდელთა „ბ“ დივიზიონი 9-19 ივლისს უნგრეთის ქალაქ სეკეშფეხერვარში გაიმართება.

18-წლამდელთა „ბ“ დივიზიონი 23 ივლისიდან 2 აგვისტოს ჩათვლით ავსტრიაში ჩატარდება.

16-წლამდელთა „ბ“ დივიზიონს 6-16 აგვისტოს ბულგარეთის დედაქალაქი სოფია უმასპინძლებს.

gbf.ge

 

ასაკობრივ ნაკრებთა სამწვრთნელო შტაბებში ცვლილებებია

Posted on by Levan

საქართველოს ასაკობრივი ნაკრებების სამწვრთნელო შტაბებში სიახლეები და გადაადგილებებია. ნაკრებებში 2 ახალი სახე გამოჩნდა – ირაკლი ხოშტარია და თემურ კანკია, რომლებიც ასაკობრივ ნაკრებებში ასისტენტის პოზიციას დაიკავებენ.

სუპერლიგის ლიდერ “დინამოს” მთავარი მწვრთნელი ირაკლი ხოშტარია 20-წლამდელთა ნაკრების სამწვრთნელო შტაბში იმუშავებს. ხოშტარია მთავარი მწვრთნელის, დავით უსტიაშვილის ასისტენტი იქნება. 20-წლამდელებში აინაცვლა 18-წლამდელთა ნაკრების მთავარმა მწვრთნელმა მიხეილ ბერუაშვილმა, რომელიც ხოშტარიასთან ერთად უსტიაშვილის ასისტენტი იქნება.

18-წლამდელთა ნაკრების მთავრი მწვრთნელის პოსტს არჩილ ჟღენტი დაიკავებს, რომელიც აქამდე 20-წლამდელებში დავით უსტიაშვილის ასისტენტად მუშაობდა. 18-წლამდელებში ჟღენტის ასიტენტები იქნებიან დიმიტრი ჟაკობოვი და გიორგი ნიკოლაძე, რომელიც აქამდე ანალოგიურ პოზიციაზე, ოღონდ 16-წლამდელებში მუშობდა.

16-წლამდელთა ნაკრების მთავარ მწვრთნელად კვლავ გია კაზანჯიანი იმუშავებს, რომლის ასისტენტები ირაკლი ტომარაძე და “სოხუმის” 20-წლამდელთა გუნდის თავკაცი თემურ კანკია იქნებიან. ტომარაძე 16-წლამდელებში აქამდეც კაზანჯიანის ასისტენტად მუშაობდა, კანკიას კი ასაკობრივ დონეზე მწვრთნელობა პირველად მოუწევს.

ზემოთაღნიშნული სიახლეებისა და გადაადგილებების შედეგად სამივე ასაკობრივი ნაკრების სამწვრთნელო შტაბში თავი 3-3-მა სპეციალისტმა მოიყარა, რომელთა შემადგენლობასაც ცალ-ცალკე გთავაზობთ:

20-წლამდელთა ნაკრები

დავით უსტიაშვილი – მთავარი მწვრთნელი

მიხეილ ბერუაშვილი – ასისტენტი

ირაკლი ხოშტარია – ასისტენტი

 

18-წლამდელთა ნაკრები

არჩილ ჟღენტი – მთავარი მწვრთნელი

გიორგი ნიკოლაძე – ასისტენტი

დიმიტრი ჟაკობოვი – ასისტენტი

 

16-წლამდელთ ნაკრები

გია კაზანჯიანი – მთავარი მწვრთნელი

ირაკლი ტომარაძე – ასისტენტი

თემურ კანკია – ასისტენტი

gbf.ge