“ჩარლტონისა” და “ქოვენთრის” გულშემატკივრებმა საკუთარი ხელმძღვანელების, ლონდონური კომპანია Sisu-სა და ბელგიელი ბიზნესმენის, როლან დიშატლის მუშაობა გააპროტესტეს.
შეგახსენებთ, რომ ეს გუნდები ამ დროისთვის ინგლისის რიგით მესამე დივიზიონში ასპარეზობენ. თუმცა, უკვე დადასტურებულია, რომ “ქოვენთრი” მომავალ სეზონში მეოთხე დივიზიონში დაქვეითდება.
მატჩის დაწყებამდე გულშემატკივრებმა საპროტესტო მარში მოაწყეს, დაწყებამდე და მისი მიმდინარეობისას კი მოედანზე სათამაშო გოჭები გადაყარეს. მსაჯი იძულებული გახდა, ორჯერ შეეჩერებინა თამაში, რათა მოედანი გაეწმინდათ.
მატჩი ფრედ, ანგარიშით 1:1 დასრულდა.
