იტალიური “პესკარას” გულშემატკივრებმა კლუბში არსებული მდგომარეობისადმი უკმაყოფილება განსხვავებული გზით გამოხატეს.
როგორც ცნობილი ხდება, გუშინ საღამოს, ფანებმა კლუბის პრეზიდენტის, დანიელ სებასტიანის მფლობელობაში მყოფი ორი მანქანა დაწვეს.
აღსანიშნავია ის ფაქტიც, რომ ფანების ამ ქმედების შემდეგ, კლუბის მფლობელებმა დანიელის პოსტიდან გათავისუფლების გადაწყვეტილება მიიღეს.
შეგახსენებთ, რომ იტალიური სერია ა-ს ბოლო მატჩში “პესკარა” “ლაციოსთან” განადგურდა, ანგარიშით 2:6.
“ლესტერ სიტის” მთავარი მწვრთნელი, კლაუდიო რანიერი ადასტურებს ინფორმაციას, რომლის თანახმადაც კლუბი “პესკარას” ფორვარდის, ჯანლუკა ლაპადულას გადაბირებით არის დაინტერესებული.
26 წლის ფორვარდმა სერია ბ-ში გამართულ 38 მატჩში 24-ჯერ შეძლო მეტოქის კარის აღება, რითიც კლუბს კვლავ უნარჩუნებს იტალიის უმაღლეს დივიზიონში გადასვლის შანსებს.
“ჩვენ იტალიაში მყოფ ფეხბურთელებს ვაკვირდებით. ლაპადული კარგი ფეხბურთელია, რომელსაც გარკვეული დროის მანძილზე ვადევნებდით თვალს.” – განუცხადა რანიერიმ Gazzetta dello Sport-ს.
მაისის დასაწყისში ამ საკითხზე “პესკარას” პრეზიდენტმაც ისაუბრა: “სანამ “ლესტერი” გაჩემპიონდებოდა, რანიერიმ მე დამირეკა. ზოგადად ფეხბურთზე საუბრისას, მან ლაპადულაზეც მკითხა. თუმცა ჯერ ოფიციალური შემოთავაზება არ გვქონია.”
