ლუგანსკის “ზორიას” შემტევმა ნახევარმცველმა ჯაბა ლიპარტიამ კლუბი დატოვა.
ქართველმა ფეხბურთელმა “ზორიასთან” კონტრაქტის გახანგრძლივება არ ისურვა. ჯერჯერობით უცნობია, თუ სად გააგრძელებს კარიერას 29 წლის ნახევარმცველი.
შეგახსენებთ, რომ ჯაბა ლიპარტია “ზორიაში” 2011 წლიდან თამაშობდა. ქართველმა ფეხბურთელმა ამ ხნის განმავლობაში 169 მატჩი ჩაატარა და 15 გოლი გაიტანა.
თურქეთში შეკრებაზე მყოფი ლუგანსკის “ზორია” ჩეხურ “სლოვაცკოს” გაეჯიბრა და ანგარიშით 3:0 დაამარცხა.
შეხვედრაში გატანილი სამი გოლიდან ორი ჯაბა ლიპარტიას ანგარიშზეა. “ზორიას” ქართველი თავდამსხმელი მატჩში მეორე ტაიმში ჩაერთო და გოლები 47-ე და 87-ე წუთებზე გაიტანა. ჩვენებურს განსაკუთრებით ეფექტური მეორე გოლი გამოუვიდა. ლიპარტიამ გზად სამი მეტოქე ჩამოიტოვა და კარში ზუსტად დაარტყა.
“ზორია” მომდევნო შეხვედრას 4 თებერვალს, ზაგრების “დინამოს” წინააღმდეგ ჩაატარებს.
უკრაინის თასის ნახევარფინალურ ეტაპზე “ზორიასა” და დნეპროპეტროვსკის “დნიპროს” შორის გამართულ საპასუხო მატჩში მასპინძელთა ქართველმა თავდამსხმელმა ჯაბა ლიპარტიამ თავი გატანილი ბურთით გამოიჩინა. ჩვენებურმა ანგარიში შეხვედრის მე-8 წუთზე გახსნა. მსაჯის მიერ კომპენსირებულ დროში ანდრეი ტოტოვიცკიმ “დნიპროს” მეორე ბურთი გაუტანა და “ზორიას” ორი მატჩის ჯამში ფინალის საგზური მოუპოვა. პირველი შეხვედრა დნეპროპეტროვსკელებს 1:0 ჰქონდათ მოგებული.
ჯაბა ლიპარტია 50-ე წუთზე შეცვალეს.
