ანგელ იორდანესკუმ რუმინეთის ნაკრების მთავარი მწვრთნელის პოსტი დატოვა. ამის შესახებ რუმინეთის ფეხბურთის ფედერაციის პრეზიდენტმა რაზვან ბურლეანუმ განაცხადა.
“მადლობას ვუხდი იორდანესკუს იმ პასუხისმგებლობისთვის, რომელიც მან ვიკტორ პიცურკეს (რუმინეთის ნაკრების ყოფილი თავკაცი) წასვლის შემდეგ საკუთარ თავზე აიღო და გუნდი რვაწლიანი პაუზის შემდეგ დიდ ტურნირზე გაიყვანა”, – ციტირებს ბურლეანუს სიტყვებს Reuters-ი.
შეგახსენებთ, რომ რუმინეთის ნაკრებმა 2016 წლის ევროპის ჩემპიონატის ჯგუფურ ეტაპზე მხოლოდ ერთი ქულა მოაგროვა, რითაც მომდევნო ეტაპის საგზური ვერ მოიპოვა.