საქართველოს ეროვნული ნაკრების კაპიტანმა, შალვა სუთიაშვილმა ტონგასთან გამარჯვების შემდეგ განცხადება გააკეთა.
შეგახსენებთ, რომ 18 ივნისს, “ბორჯღალოსნებმა” ოკეანეთის ტურნეს მეორე შეხვედრაში ტონგა ანგარიშით 23:20 დაამარცხა.
“ტონგასთან თამაში რთულ კონდიციებში გვიწევდა. ასეთ ტესტებში ყველა ბოლომდე იხარჯება და რაგბიც სწორედ ამიტომ მიყვარს.
მატჩი, თბილისის დროით, გამთენიისას, 4 საათზე დაიწყო, თუმცა მას ბევრმა ქართველმა უყურა, ამისათვის კი მათ მადლობას ვუხდით.
გასახდელში ჩემი გუნდის წევრებს ვუთხარი, რომ ჩვენი ქვეყნიდან ასე მოშორებით აქამდე არასოდეს ვყოფილვართ. ოჯახები გვენატრებოდა და მომდევნო შეხვედრის დროსაც ასე იქნება. გვინდა, რომ ჩვენი თამაში კვლავ საქართველოს მივუძღვნათ”, – ციტირებს სუთიაშვილის სიტყვებს Fiji Times-ი.