შვეიცარიის ეროვნული ნაკრების მეკარემ, იან ზომერმა საფრანგეთთან ფრედ ნათამაშები მატჩის შემდეგ პრესასთან კომენტარი გააკეთა. შეგახსენებთ, რომ ამ შედეგის წყალობით შვეიცარიელები მომდევნო ეტაპზე გავიდნენ.
“ძალიან ბედნიერები ვართ. შვეიცარიის ნაკრებისთვის საუკეთესო 16 გუნდში ყოფნა დიდებული რამ არის. ამ ჯგუფიდან გასვლაც დავიმსახურეთ.
დღეს კარგად ვითამაშეთ. უნდა ვაღიაროთ, რომ რიგ შემთხვევებში გაგვიმართლა. თუმცა ახლა ჩვენ მხოლოდ დასვენება გვესაჭიროება და შემდეგ ვნახოთ, როგორ ვითამაშებთ.” – განაცხადა მან.
აქვე გეტყვით იმასაც, რომ შვეიცარიელი კიპერი მატჩის საუკეთესო მოთამაშედ დასახელდა.