1. ყველაზე მცირერიცხოვანი ქვეყანა ევროპის ჩემპიონატის ფინალურ ეტაპზე
ევროპის ჩემპიონატის ისტორიას არ ახსოვს ისლანდიაზე მცირერიცხოვანი ქვეყანა, რომელმაც დიდი ტურნირის ფინალურ ეტაპზე ითამაშა. ბოლოს ასეთი რეკორდი ტრინიდადსა და ტობაგოს ეკუთვნოდა (1.2 მილიონიანი მოსახლეობა; 2006 წელი), რომელმაც მუნდიალზე მიიღო მონაწილეობა. ასე რომ, წელს ფეხბურთის ისტორიაში 332,559 ისლანდიელი მცხოვრები შევიდა.
2. გუნდს სტომატოლოგი თავკაცობს
ბრიტანულ პრესაში შეთანხმდნენ, რომ ისლანდიელებთან, ევრო 2016-ის 1/8-ფინალურ ეტაპზე განცდილი მარცხი “ყველაზე გამანადგურებელი და ყველაზე სამარცხვინოა ისტორიაში”. განცდილი მარცხი გაცილებით უფრო მტკივნეული ხდება, როცა აანალიზებ, რომ “გამოგაგდო გუნდმა, რომელსაც სტომატოლოგი თავკაცობს.”
3. ისლანდიაში უფრო მეტი ვულკანია, ვიდრე ფეხბურთელი
რაც არ უნდა გასაკვირი იყოს, ისლანდიას მხოლოდ 120 პროფესიონალი ფეხბურთელი ჰყავს. ამასთანავე, 23-კაციან განაცხადში მოხვედრილი ფეხბურთელებიდან არც ერთი მათგანი არ თამაშობს საკუთარი ქვეყნის ჩემპიონატში.
ყველაზე გასაკვირი კი არის ის ფაქტი, რომ ქვეყანაში უფრო მეტი ვულკანია, ვიდრე პროფესიონალი ფეხბურთელი – ზუსტად 126 მთას აქვს მინიჭებული ეს სტატუსი.
4. მოსახლეობის 8% საფრანგეთში იმყოფება
8% ისლანდიის მოსახლეობისა საფრანგეთში გადაბარგდა, რათა სტადიონებიდან, ან თუნდაც გიგანტური ეკრანიდან ეგულშემატკივრა საკუთარი გუნდისათვის.
5. ისლანდიაში უფრო მეტი ცხვარი ცხოვრობს, ვიდრე ადამიანი
ისლანდიაში ყველგან მთებია, სადაც არ უნდა გაიხედოთ, თქვენ დაინახავთ მხოლოდ ერთს – თვალუწვდენილ მთებს. და თუ უფრო ახლოდან დავაკვირდებით შევნიშნავთ ამ მთებზე გამოფენილ ცხვრებსაც. ისლანდიაში არსებობს ლეგენდა, რომლის თანახმადაც იქაურ ცხვრებს ხეზე ასვლაც შეუძლიათ. უბრალო ვიკინგური ახირება. ყველაზე საინტერესო ფაქტი კი ის არის, რომ ამ ქვეყანაში დაახლოებით 2-ჯერ მეტი ცხვარია, ვიდრე ადამიანი, ანუ 600,000-ზე მეტი.
6. “სამეფო კარის თამაშების” “მთა” ისლანდიის ყველაზე ერთგული გულშემატკივარია
ჰაფთორ ბიორნსონმა, უძლიერესმა ადამიანმა მსოფლიოში და ერთ-ერთმა ყველაზე სისხლმოწყურებულმა პროტაგონისტმა “სამეფო კარის თამაშებში”, ევრო 2016-ის დაწყებამდე საკმაოდ მკაფიო მესიჯი გაუგზავნა კრიშტიანუ რონალდუს. როგორც ჩანს, ამან გაამართლა, რამეთუ იმ მატჩში რონალდუმ გოლის გატანა ვერ შეძლო.
7. ისლანდიაში არ არიან ჭიანჭველები
ისლანდია ერთ-ერთია იმ იშვიათ ადგილთაგან, სადაც ჭიანჭველები არ სახლობენ. მეცნიერულად ჯერაც არ არის გამოკვლეული, თუ რამ უნდა გამოიწვიოთ მათი არყოფნა. იქნებ, ეს სიცივის ბრალია?
