მილანის “ინტერის” ახალმა დირექტორმა, ვოლტერ საბატინიმ საკმაოდ ხანგრძლივი შეხვედრა გამართა ლონდონის “ჩელსის” იტალიელ თავკაცთან, ანტონიო კონტესთან.
როგორც იცით, “ნერაძურის” სათავეში მყოფმა ჩინურმა კომპანიამ, Suning-მა დღეს დილით დანიშნა ვოლტერი ტექნიკური კოორდინატორის პოსტზე.
საბატინის პირველი დავალება კი სტეფანო პიოლის ჩამნაცვლებლის პოვნა გახლავთ, რომელიც დაკავებული პოსტიდან 10 მაისს გაანთავისუფლეს.
როგორც ცნობილი ხდება, “რომასა” და “პალერმოს” ყოფილი დირექტორი ბოლო დროს ლონდონში საკმაოდ ხშირად ჩნდება. კონტეს კი პირველად ის 26 აპრილს, ლონდონის იტალიურ რესტორანში შეხვდა.
