კოპა დელ რეის 1/16 ფინალის პირველ შეხვედრაში “ბარსელონა” “რეალ მურსიას” ესტუმრა და მეტოქე ანგარიშით, 3-0 გაანადგურა. მესამე გოლის გატანა “ბარსელონა 2”-ის ფეხბურთელმა, ხოსე არნაისმა შეძლო. 22 წლის სპორტსმენს მთავარ გუნდში დებიუტი ჰქონდა.
შეხვედრის შემდეგ ჟურნალისტებს ერნესტო ვალვერდე ესაუბრა, რომელიც ნახსენებ ფეხბურთელსაც შეეხო.
“ვიმედოვნებ, ის გუნდს მომავალშიც დაეხმარება. ხოსე ჭკვიანი მოთამაშეა. მეორე ნახევარში, როცა მეტოქემ თამაში გაგვიხსნა, მან ცარიელი სივრცეები შესანიშნავად მოძებნა და გამოიყენა. როცა ის გოლამდე რამდენიმე წამით ადრე ბურთს იღებს, თავდაჯერებულია იმაში, რასაც აკეთებს. ჩემი აზრით ეს წინ გადადგმული ნაბიჯია.”
პაკო ალკასერმა დეულოფეუს პასით ანგარიში გახსნა…
“პირველი გოლის გატანა ყოველთვის უფრო რთულია, ვიდრე მეორის და მესამის. ამ მხრივ დღეს პაკო გამოირჩა. ის სხვადასხვა რგოლს შორის შესანიშნავად გადაადგლდებოდა და პასებსაც სწორად აკეთებდა. ვიცით, რომ მას ბევრის თამაში არ უწევს; შესაბამისად, იდეალურია, რომ ეს შესაძლებლობა გამოიყენა და გაიტანა.”
“კმაყოფილი ვარ შედეგით. ამ მატჩს დიდ ენთუზიაზმით მივუდექით და შესაბამისიც მივიღეთ. “მურსიას” ნუ დავუკარგავთ იმას, რომ ბევრს ცდილობდა, ღირებული შეექმნა,” – აცხადებს ვალვერდე.
