ფოთის “კოლხეთის” უკვე ყოფილმა მცველმა, რასიმ რამალდანოვმა ურთიერთშეთანხმების საფუძველზე გუნდი დატოვა. ამის შესახებ მეგრული კლუბის ოფიციალური ფეისბუქ-გვერდი იტყობინება.
აზერბაიჯანელი ფეხბურთელი, რასიმ რამალდანოვი საკუთარ ქვეყანაში დაბრუნდა. იგი იმ “გაბალაში” ითამაშებს, რომელიც ბოლო წლებში ევროტურნირებზე ქართული გუნდების კოშმრად იქცა.
სხვადასხვა დროს 31 წლის სპორტსმენს უთამაშია “სიმურქში”, “ხაზარში”, “სუმქაითში”, ბოლოს კი ქართულ კლუბში.
საქართველოში ახლოვდება ეროვნული ჩემპიონატის სტარტი და ქართული გუნდები განაგრძობენ ახალი ფეხბურთელებით გაძლიერებას.
ზემოთ ნახსენებ საქმეში გამონაკლისი არც ფოთის “კოლხეთია”. სულ ცოტა ხნის წინ, Fanebi.Com-ს მეგრული გუნდის პრეს-სამსახურმა დაუდასტურა, რომ კლუბმა კიდევ ერთი ახალი მოთამაშე შეიძინა. ამჟამად ფოთელთა რიგებში აზერბაიჯანელი მცველი, რასიმ რამალდანოვი ჩაირიცხა. 30 წლის სპორტსმენმა 1 წლიან კონტრაქტს მოაწერა ხელი.
გეტყვით, რომ რამალდანოვი მთელი მისი კარიერის განმავლობაში აზერბაიჯანის ჩემპიონატში თამაშობდა. თავიდან იგი “სიმურქში”, შემდეგ “ხაზარ ლანკარანში”, ბოლოს კი “სუმქაიტში” ასპარეზობდა. რაც ყველაზე მთავარია, ნახსენები სპორტსმენი აზერბაიჯანის ნაკრების წევრია 2013 წლიდან.
ამჟამად “კოლხეთი” თურქულ შეკრებაზე იმყოფება და ხვალ ამხანაგურ შეხვედრაში “ადანადემირსპორს” დაუპირისპირდება. სავარაუდოდ, სწორედ იქ შედგება ახალწვეულის დებიუტი.
