ჭდე: შერმადინი

გუშინ მალაგაში ევროლიგის შეხვედრა გაიმართა, ადგილობრივმა “უნიკახამ” კაუნასის “ჟალგირის” უმასპინძლა და ოვერტაიმში დამარცხდა.

მასპინძელთა სასტარტო ხუთეულში იყო საქართველოს ნაკრების ცენტრი გიორგი შერმადინი, რომელმაც პარკეტზე 12:52 წუთი დაჰყო. ამ პერიოდში მან 3 ქულა და 1 მოხსნა ჩაიწერა აქტივში. 6 საჯარიმოდან მან ზუსტად მხოლოდ 1 გამოიყენა. მის წინააღმდეგ წესები კი 6-ჯერ დაირღვა.

შვიდ ტურში “უნიკახასთვის” ეს მეოთხე მარცხი იყო და ამ მომენტში ისინი მე-11 ადგილზე იმყოფებიან. გიორგი შერმადინის გუნდში შემდეგ შეხვედრას მადრიდში, “რეალის” წინაარმდეგ გამართავს.

იტალიის ჩემპიონატის პლეი ოფის გიორგი შერმადინის და ჯეიკობ პულენის გუნდებმა მარცხით დაიწყეს.

პულენის “ენელ ბრინდისი”  რეჯიო ემილიაში ადგილობრივ გუნდთან 2 ქულის სხვაობით, 76:78 წააგო. პულენმა პარკეტზე 34 წუთი გაატარა და 6 ქულა, 2 მოხსნა, 5 პასი და 2 ჩაჭრა მოაგროვა.

შერმადინის “კანტუმ” კი “უმანასთან” 79:70 წააგო. გიორგის თავის გამოსაჩენად 24 წუთი მიეცა, რა დღოშიც საქართველოს ნაკრების ცენტრმა 8ქულა, 5 მოხსნა და 1 პასი მოიპოვა.

მეოთხედფინალური სერიის მორიგი მატჩები 21 მაისს, ისევ ვენეციასა და რეჯიო ემილიაში გაიმართება.

გიორგი შერმადინის „კანტუმ“ ევროთასის J ჯგუფში მეორე ადგილი დაიკავა და მერვედფინალში ვიქტორ სანიკიძის „ხიმკის“ შეხვდება. იტალიურმა კლუბმა პლეი ოფის საგზური ჯგუფური ეტაპის ბოლო ტურში მოიპოვა, როცა შინ ბერძნული პაოკ-ი 78:70 დაამარცხა.

კანტუელებს ჯგუფიდან გასვლაში რუსული „ხიმკიც“ დაეხმარა, რომელმაც შინ „ლიმოჟი“ დაამარცხა. საბოლოოდ „ლიმოჟს“ და „კანტუს“ თანაბარი ქულები დაუგროვდათ და პირად შეხვედრებში ასებული უპირატესობის გათვალისწინებით გამსვლელ, მეორე ადგილზე შერმადინის გუნდი გავიდა.

პაოკ-თან მატჩში შერმადინი სასტარტო ხუთეულში იყო და მოედანზე 23:51 წუთი გაატარა. ქართველმა ცენტრმა 7-დან 3 ოპრქულიანი და 2-დან 2 საჯარიმო ჩააგდო. 8 ქულასთან ერთად შერმადინმა 4 მოხსნა, 2 პასი და 1 ჩაჭრა დააგროვა, ბურთი კი 4-ჯერ დაკარგა. საუკეთესო კანტუელი დარიუს ჯონსონ-ოდომი გახდა, რომელმაც 21 ქულა მოაგროვა.

მერვედფინალში 2 მატჩი გაიმართება – სათითაო მოწინააღმდეგეთა მოედანზე. ვიქტორ სანიკიძის „უნიკს“, რომელმაც G ჯგუფში პირველი ადგილი დაუკავა, J ჯგუფის მეორეადგილოსან „კანტუსთან“ მოედნის უპირატესობა ექნება. პირველი მატჩი იტალიაში 3 მარტს გაიმართება, ხოლო საპასუხო 11 მარტს რუსეთში. ამ 2 მატჩის ჯამში გამოვლინდება მეოთხედფინალისტი.

gbf.ge

გიორგი შერმადინის „კანტუმ“ იტალიის ჩემპიონატში მორიგი მატჩი მოიგო. კანტუელებმა „დოლომატის“ უმასპინძლეს, 110:84გაანადგურეს და ამაში თავისი, არცთუ მოკრძალებული წვლილი ქართველმა ცენტრმაც დაიდო,

მატჩი უმნიშვნელოვანესი იყო გამომდინარე იქიდან, რომ „დოლომატი“ კანტუელთა უშუალო კონკურენტია და ამ გამარჯვებით შერმადინის გუნდმა „დოლომატის“ გადაასწრო.

ქართველი ცენტრი სასტარტო ხუთეულში იყო და გამარჯვებაში მნიშვნელოვანი წვლილი შეიტანა. შერმადინმა მოედანზე 17 წუთიდაჰყო და 12 ქულა, 1 მოხსნა და 2 დაფარება მიითვალა.

გიორგიმ 5-ვე ორქულიანი და 2-ვე საჯარიმო ჩააგდო ანუ 100%-იანი სიზუსტით ესროლა. ქართველმა კალათბურთელმა ბურთი ერთხელდაკარგა, 3 პერსონალური ფოლი მიიღო, მეტოქეები კი მის წინააღმდეგ 2-ჯერ დაჯარიმდნენ.

კანტუელებმა 9-9 მოგება–წაგება მოაგროვეს და სერია ა–ში მე-6 ადგილზე გადაინაცვლეს. 15 თებერვალს შერმადინის გუნდი გასვლით მატჩს „ბოლონიაში“ გამართავს.

gbf.ge

პირეოსის “ოლიმპიაკოსმა” ევროლიგის მეოთხედფინალური სერიის მე-3 მატჩი დრამატულ ბრძოლაში – 78:76 მოუგო მადრიდის “რეალს” და ჩამორჩენა შეამცირა – 1:2. სერიის მომდევნო მატჩი 23 აპრილს კვლავ საბერძნეთში გაიმართება და თუკი მასპინძლები კვლავ იმარჯვებენ, მე-5, გადამწყვეტი შეხვედრა მადრიდში ჩატარდება.

სამწუხარო ისაა, რომ აღნიშნულ შეხვედრაში მონაწილეობა არ მიუღია გიორგი შერმადინს. საქართველოს ნაკრების ცენტრი განაცხადში და სპორტულ ფორმაში იყო, თუმცა მწვრთნელს ის მოედანზე არ შეუყვანია.

მატჩი კი მართლაც საინტერესო გამოვიდა. მასპინძლები მთელი თამაშის განმავლობაში იგებდნენ, თუმცა ბოლო წუთზე ჩამორჩნენ და რომ არა გიორგიოს პრინტეზისის სამქულიანი, ასევე მადრიდელების მიერ აცილებული საჯარიმოები, ევროლიგის დასატოვებლად განწირულები იყვნენ.

სერხიო როდრიგესმა და რუდი ფერნანდესმაბოლო წამებზე უმნიშვნელოვანესი საჯარიმოები ააცილეს, რამაც “ოლიმპიაკოსს” გამარჯვება მოუტანა და სერია მინიმუმ 1 მატჩით გახანგრძლივდა. პირეოსელებს 21 ქულით ბრაიანტ დანსტონმა ულიდერა, ვასილის სპანულისმა კი მასპინძლებს 17 ქულა შეაწია.

gbf.ge

ქართველი კალათბურთელების მორიგი წარმატება ესპანეთში. გიორგი შერმადინისა და ვიქტორ სანიკიძეს დიდი თანამონაწილეობით “სარაგოსამ” ესპანური პრიმერადივიზიონის ერთ-ერთი ლიდერი, “მადრიდის რეალის” შემდეგ მეორე ადგილზე მყოფი “ვალენსია” დაამარცხა. სარაგოსელებმა სეზონის ერთ-ერთი საუკეთესო მატჩი ჩაატარეს და დაძაბულ ბრძოლაში ვალენსიელებს 95:89 მოუგეს.

სარაგოსელთაგან საუკეთესო ვიქტორ სანიკიძე გახლდათ, გიორგი შერმადინმა კი საერთო სარგებლიანობის თვალსაზრისით სანიკიძის შემდეგ მეორე შედეგი აჩვენა. ორივე ქართველი სასტარტო შემადგენლობაში იყო და როგორც ხშირად ხდება, მათ თითქმის თანაბარი დროით ითამაშეს.

გიორგი შერმადინმა მოედანზე 26,11 წუთი გაატარა. ქართველმა ცენტრმა 10-დან 7 ორქულიანი და 5-დან 4 საჯარიმო ჩააგდო. ჯამში მოპოვებულ 18 ქულას 4 მოხსნა, 1 ჩაჭრა და 1 დაფარება მოაყოლა. შერმადინის მარგი ქმედების კოეფიციენტმა 19 შეადგინა და ასეთივე შედეგი ჰქონდა მის თანაგუნდელ დამიენ რუდეჟს, რომელმაც 26 წუთში ასევე 18 ქულა დააგროვა.

საუკეთესო შედეგი კი სანიკიძემ დააფიქსირა, რომელმაც 25,47 წუთში 16 ქულა, 8 მოხსნა, 2 პასი და 2 ჩაჭრა მიითვალა. ვიქტორმა 6-დან 5 ორქულიანი და 8-დან 6 საჯარიმო ჩააგდო, 1 სამიანი კი ააცილა. რაც შეეხებათ ვალენსიელებს, საუკეთესო 23 ქულითა და 7 მოხსნით პაუ რიბასი გახდა.

20 მატჩიდან 12 მოგებით “სარაგოსა” მე-6 ადგილზეა და მის წინ 2 მოგებით მეტის მქონე “ბარსელონაა”. მომდევნო ტურში, 2 მარტს, “სარაგოსა” სტუმრად “ფუენლაბრადას” ეთამაშება.

gbf.ge