ჭდე: სანიკიძე

გიორგი შერმადინის „კანტუმ“ ევროთასის J ჯგუფში მეორე ადგილი დაიკავა და მერვედფინალში ვიქტორ სანიკიძის „ხიმკის“ შეხვდება. იტალიურმა კლუბმა პლეი ოფის საგზური ჯგუფური ეტაპის ბოლო ტურში მოიპოვა, როცა შინ ბერძნული პაოკ-ი 78:70 დაამარცხა.

კანტუელებს ჯგუფიდან გასვლაში რუსული „ხიმკიც“ დაეხმარა, რომელმაც შინ „ლიმოჟი“ დაამარცხა. საბოლოოდ „ლიმოჟს“ და „კანტუს“ თანაბარი ქულები დაუგროვდათ და პირად შეხვედრებში ასებული უპირატესობის გათვალისწინებით გამსვლელ, მეორე ადგილზე შერმადინის გუნდი გავიდა.

პაოკ-თან მატჩში შერმადინი სასტარტო ხუთეულში იყო და მოედანზე 23:51 წუთი გაატარა. ქართველმა ცენტრმა 7-დან 3 ოპრქულიანი და 2-დან 2 საჯარიმო ჩააგდო. 8 ქულასთან ერთად შერმადინმა 4 მოხსნა, 2 პასი და 1 ჩაჭრა დააგროვა, ბურთი კი 4-ჯერ დაკარგა. საუკეთესო კანტუელი დარიუს ჯონსონ-ოდომი გახდა, რომელმაც 21 ქულა მოაგროვა.

მერვედფინალში 2 მატჩი გაიმართება – სათითაო მოწინააღმდეგეთა მოედანზე. ვიქტორ სანიკიძის „უნიკს“, რომელმაც G ჯგუფში პირველი ადგილი დაუკავა, J ჯგუფის მეორეადგილოსან „კანტუსთან“ მოედნის უპირატესობა ექნება. პირველი მატჩი იტალიაში 3 მარტს გაიმართება, ხოლო საპასუხო 11 მარტს რუსეთში. ამ 2 მატჩის ჯამში გამოვლინდება მეოთხედფინალისტი.

gbf.ge

მთავარი მწვრთნელის შეცვლა ვიქტორ სანიკიძის გუნდზე დადებითად აისახა. არგირის დეპულაკისის ნაცვლად „უნიკსის“ თავკაცად დანიშნულმა ევგენი პაშუტინმა გუნდს ევროლიგაში პირველი გამარჯვება მოუტანა.

„უნიკსმა“ ყაზანში „ეფესს“ უმასპინძლა და დაძაბულ ბრძოლაში 67:64 დაამარცხა. რუსული კლუბი ბოლო მეოთხედის წინ 10 ქულით აგებდა, თუმცა დასკვნით პერიოდში შესანიშნავად ითამაშა და გამარჯვებას მიაღწია. „ეფესისთვის“ 4 გამარჯვების შემდეგ ეს პირველი მარცხი იყო ევროლოგის მიმდინარე გათამაშებაში.

ქართველი ფორვარდი მოედანზე მხოლოდ 4:38 წუთით გამოჩნდა და რაც ამ მცირე დროში მოასწრო, 2 მოხსნის მითვლაა. სანიკიძემ თითო სამიანი და ორიანი ააცილა, ბურთი ერთხელ დაკარგა და 2 პერსონალური ჯარიმა მიიღო.

ამ გამარჯვებით „უნიკსი“ ჯგუფის ბოლო ადგილს მოსწყდა. უფრო სწორად, ახლა ბოლო ადგილს „უნიკსთან“ ერთად იტალიური „დინამო სასარი“ იყოფენ.

 gbf.ge

ესპანეთის უმაღლესი დივიზიონის მორიგ ტურში ვიქტორ სანიკიძის “სარაგოსამ” სტუმრად აუტსაიდერი დაამარცხა, ბექა ბურჯანაძის “კახასოლმა” კი ერთ-ერთ ლიდერთან წააგო.

სარგოსელები სტურმად “ვალიადოლიდს” ეთამაშნენ, რომელსაც სეზონში მხოლოდ 3 გამარჯვება ჰქონდა მოპოვებული. სანიკიძის გუნდმა აუტსაიდერს შანსი არ დაუტოვა და 96:68 დაამარცხა.

 ქართველმა ფორვარდმა 25 წუთში 13 ქულა, 6 მოხსნა, 2 პასი და 2 დაფარება მიითვალა, ბურთი კი 2-ჯერ დაკარგა. ვიქტრორმა 2-დან 1 ორქულიანი, 3-დან 2 სამიანი და 6-დან 5 საჯარიმო ჩაგდო. 25 ქულით სარაგოსელთაგან საუკეთესო დამიენ რუდეჟი გახდა, ხოლო მიხაელ როლმა 21 ქულა მიითვალა.

რაც შეეხება “კახასოლს”, სევილიელები მეორე ადგილზე მყოფ “ვალესნიას” შეხვდნენ და 93:104დამარცხდნენ. ბურჯანაძემ 3 წუთი ითამაშა და 1 მოხსნა მიითვალა, 1 სამიანი კი ააცილა.

ამ ტურმა “სარაგოსა” და “კახასოლი” ცხრილში ერთმანეთს დააშორა. 18 მოგება-14 წაგებით სანიკიძის გუნდი 6 ადგილზეა, ხოლო “კახასოლს” 17 მოგება და 15 მარცხი აქვს და მე-8-ზე იმყოფება. რეგულარული ჩემპიონატის დასრულებამდე 2 ტურია დარჩენილი, პლეი ოფში კი საუკეთესო 8 უნდი გადის.

მომდევნო ტურში, 17 მაისს, “კახასოლი” “ხუვენტუდს” უმასპინძლებს, “სარაგოსა” კი 18-ში “ლაბორალ კუტხას” მიიღებს.

gbf.ge

ვიქტორ სანიკიძემ ევროპის გრანდ “ბარსელონასთან” მატჩში გაიბრწყინა და რაც მთავარია, მისი გარჯა დაფასდა. “სარაგოსამ” კატალონიური გრანდი ესპანეთის პრიმერადივიზიონის მორიგ ტურში 85:79 დაამარცხა.

სანიკიძეს 28 წუთი დასჭირდა საიმისოდ, რომ მატჩის მონაწილეთა შორის საუკეთესო შედეგი დაეფიქსირებინა. ქართველმა ფორვარდმა 5-დან 5 ორქულიანი, 2-დან 1 სამიანი და 2-დან 2 საჯარიმო ჩააგდო. მთლიანობაში დაგროვებულ 15 ქულას სანიკიძემ 8 მოხსნა და 1 ჩაჭრა მოაყოლა, ბურთი კი 3-ჯერ დაკარგა.

ქართელი ლეგიონერის მარგი ქმედების კოეფიციენტმა 24 ერთეული შეადგინა, რაც ორივე გუნდის შემადგენლობაში საუკეთესო შედეგი გახლდათ. სანიკიძეს დიდად დაეხმარა თანაგუნდელი ჯონათან ტაბუ, რომელმაც 19 ქულა, 6 მოხსნა და 4 პასი მიითვალა.

“ბარსელონაში” 15 ქულითა და 8 მოხსნით ანტე ტომიჩი გამოირჩა, 14 ქულა ჰქონდა მარჩელო ჰუერტასს, ბოსტიან ნახბარმა კი 11 ქულა მიითვალა. ესპანეთის ნაკრების ერთ-ერთმა ლიდერმა, ხუან კარლოს ნავარომ კატალონიელთათვის 8 ქულა და 6 პასი გაიღო, რაც გასამარჯვებლად საკმარისი არ აღმოჩნდა.

ამ გამარჯვებით სარაგოსელები დაეწივნენ მე-5 ადგიზე მყოფ “გრან კანარიას”, რომელთანაც ამ ტურის მერე აღნიშნულ ადგილს იყოფენ. სანიკიძის გუნდს და კანარიელებს 16 მოგება და 10 მარცხი აქვთ.

მეორე ესპანურ გრანდ “რეალს” შეხვდა ბექა ბურჯანაძის “კახასოლი”, რომელმაც მადრიდში მასპინძლებს დიდი წინააღმდეგობა გაუწია, თუმცა საბოლოოდ მაინც დამარცხდა – 75:81. 19 წლის ქართველმა ფორვარდმა მოედანზე 2:36 წუთი გაატარა და 3 ქულა მოიპოვა. ბექამ ორქულიანი და მას მოყოლილი საჯარიმო ჩააგდო.

სევილიელებს 13 მოგება და ამდენივე მარცხი აქვთ და პრიმერადივიზიონში მე-9 ადგილზე იმყოფებიან. მომდევნო ტურში, 12 აპრილს, “კახასოლი” “გრან კანარიას” უმასპინძლებს, “სანიკიძის” “სარაგოსა” კი სტუმრად “ხუვენტუდს” შეხვდება.

gbf.ge

ესპანეთის უმაღლეს ლიგაში მოთამაშე 2 ქართველის გუნდი გასულ ტურში ერთმანეთს შეხვდა. ბექა ბურჯანაძის “კახასოლმა” ვიქტორ სანიკიძის “სარაგოსას” უმასპინძლა და იოლი გამარჯვება მოიპოვა – 79:59.

20 წლის ბექა ბურჯანაძეს კახასოლელთა შემადგენლობაში არ უთამაშია, თუმცა მატჩის განაცხადში ირიცხებოდა. სანიკიძეს რაც შეეხება, ის სარაგოსელთა სასტარტო ხუთეულში იყო და მოედანზე 17:37 წუთი გაატარა. ვიქტორმა 4-დან 3 ორქულიანი ჩააგდო, 1 სამიანი კი ააცილა. ქართველმა ფორვარდმა მთლიანობაში 6 ქულა, 5 მოხსნა, 2 ჩაჭრა და 1 პასი მიითვალა, ბურთი კი 2-ჯერ დაკარგა.

15 მოგებითა და 10 მარცხით “სარაგოსა” მე-6 ადგილზე რჩება, ხოლო “კახასოლს” 25-დან13 მოგება აქვს და მე-8-ზე იმყოფება. მომდევნო ტურში, 6 აპრილს, ორივე ქართველის გუნდი გრანდს ეთამაშება: “კახასოლი” “რეალს” უმასპინძლებს, “სარაგოსა” კი “ბარსელონას” დაუპირისპირდება.

gbf.ge

ესპანეთის პრიმერადივიზიონში პრინციპული მატჩი წააგო ვიქტორ სანიკიძის “სარაგოსამ”. აღმავლობის გზაზე მდგარი არაგონული გუნდი 2 კვირის წინ გიორგი შერმადინმა დატოვა, რომლის პოზიცია ჰოლანდიელმა ცენტრმა ჰენკ ნორელმა დაიკავა. ჰოლანდიელს ცუდად არ უთამაშია, თუმცა “სარაგოსამ” შინ ცხრილში ერთი საფეხურით მაღლა მყოფ კანარიულ “ჰერბალაიფთან” 77:82 წააგო.

სანიკიძე სასტარტო ხუთეულში იყო და მოედანზე 27:37 წუთი გაატარა. ქართველმა ფორვარდმა 4-დან 2 ორქულიანი, 4-დან 1 სამიანი და 5-დან 4 საჯარიმო ჩააგდო. ვიქტორმა მთლიანობაში მოგროვებულ 11 ქულას 2 მოხსნა, 2 პასი, 4 ჩაჭრა და 1 დაფარება მოაყოლა, ბურთი კი ერთხელ დაკარგა.

ცენტრის პოზიციაზე გამწესებულმა ჰენკ ნორელმა 24 წუთში 15 ქულა, 5 მოხსნა და 2 პასი დააგროვა, რითაც მატჩის საუკეთესო შედეგი დააფიქსირა. სანიკიძესა და ნორელს შორის შედეგიანობით 17 ქულის მომგროვებელი იონ სტეფანსონია. კანარიელთაგან ბენ ჰანსბრო (14 ქულა) და ესპანეთის ნაკრების წევრი ხავი რეი (13) გამოირჩნენ.

13 მოგებითა და 9 წაგებით “სარაგოსა” მე-6 ადგილზე რჩება. ამ პოზიციაზე სანიკიძის გუნდი მყარადაა – 2 ქულით უსწრებს “ლაბორალს” და ამდენივეთი ჩამორჩება “გრან კანარიას”. მომდევნო ტურში – 16 მარტს, “სარაგოსა” “მონბუსს”უმასპინძლებს.

რაც შეეხება სევილიურ “კახასოლს”, რომლის ღირსებასაც ბექა ბურჯანაძე იცავს, გუნდმა საამაყო გამარჯვება მოიპოვა ბილბაოში – 82:79. სამწუხაროდ, ქართველი ფორვარდი მხოლოდ განაცხადში ყოფნას დასჯერდა და მოედანზე არ გასულა.

gbf.ge

ესპანურ “სარაგოსაში” თანამემამულის გარეშე დარჩენილი ვიქტორ სანიკიძე წარმატებით ასპარეზობს. გიორგი შერმადინის ბერძნულ “ოლიმპიაკოსში” გაშვების შემდეგ სარაგოსელებმა პირველი მატჩი გამართეს და მათთან დარჩენილი მეორე ქართველის დიდი თანამონაწილეობით გასვლითი გამარჯვება მოიპოვეს.

“სარაგოსა” ესპანეთის დედაქალაქში “ფუენლაბრადას” დაუპირისპირდა და 9 ქულის სხვაობით – 81:72 დაამარცხა. სარაგოსელთაგან საუკეთესო შედეგი სანიკიძემ დააფისირა. მან ყველაზე მაღალი მარგი ქმედების კოეფიციენტი (20) გაიფორმა.

ქართველმა ფორვარდმა სასტარტო ხუთეულში ითამაშა და სარაგოსელთა შორის მოედანზე ყველაზე მეტ ხანს დაჰყო. 31,31 წუთში სანიკიძემ 4-დან 3ორქულიანი, 5-დან 2 სამიანი და 2-დან 1 საჯარიმო ჩააგდო. 13 ქულიასთან ერთად ვიქტორმა 7 მოხსნა და 3 პასიც მოიაგროვა დადამსახურებულად გახდა საუკეთესო.

“სარაგოსაში” სანიკიძის მსგავსად, 13 ქულა კიდევ 2-მა კალათბურთელმა – მაიკლ როლმა და იონ სტეფანსომა მოაგროვეს, ხოლო 14 ქულით ბომბრდირი შერმადინის შემცვლელი ჰენკ ნორელი გახდა. მადრიდელთაგან 17 ქულით საუკეთესო ჯეიმს ფელდეინი იყო, ხოლო ენდი პანკომ 13 ქულა მიითვალა.

13 მოგებითა და 8 მარცხით “სარაგოსა” მე-6 ადგილზეა და 1 ქულით ჩამორჩება მის წინ მყოფ “უნიკახას” და “გრან კანარიას”. მომდევნო მატჩს სანიკიძის გუნდი სწორედ გრანკანარიეოებთან გამართავს.

gbf.ge

ქართველი კალათბურთელების მორიგი წარმატება ესპანეთში. გიორგი შერმადინისა და ვიქტორ სანიკიძეს დიდი თანამონაწილეობით “სარაგოსამ” ესპანური პრიმერადივიზიონის ერთ-ერთი ლიდერი, “მადრიდის რეალის” შემდეგ მეორე ადგილზე მყოფი “ვალენსია” დაამარცხა. სარაგოსელებმა სეზონის ერთ-ერთი საუკეთესო მატჩი ჩაატარეს და დაძაბულ ბრძოლაში ვალენსიელებს 95:89 მოუგეს.

სარაგოსელთაგან საუკეთესო ვიქტორ სანიკიძე გახლდათ, გიორგი შერმადინმა კი საერთო სარგებლიანობის თვალსაზრისით სანიკიძის შემდეგ მეორე შედეგი აჩვენა. ორივე ქართველი სასტარტო შემადგენლობაში იყო და როგორც ხშირად ხდება, მათ თითქმის თანაბარი დროით ითამაშეს.

გიორგი შერმადინმა მოედანზე 26,11 წუთი გაატარა. ქართველმა ცენტრმა 10-დან 7 ორქულიანი და 5-დან 4 საჯარიმო ჩააგდო. ჯამში მოპოვებულ 18 ქულას 4 მოხსნა, 1 ჩაჭრა და 1 დაფარება მოაყოლა. შერმადინის მარგი ქმედების კოეფიციენტმა 19 შეადგინა და ასეთივე შედეგი ჰქონდა მის თანაგუნდელ დამიენ რუდეჟს, რომელმაც 26 წუთში ასევე 18 ქულა დააგროვა.

საუკეთესო შედეგი კი სანიკიძემ დააფიქსირა, რომელმაც 25,47 წუთში 16 ქულა, 8 მოხსნა, 2 პასი და 2 ჩაჭრა მიითვალა. ვიქტორმა 6-დან 5 ორქულიანი და 8-დან 6 საჯარიმო ჩააგდო, 1 სამიანი კი ააცილა. რაც შეეხებათ ვალენსიელებს, საუკეთესო 23 ქულითა და 7 მოხსნით პაუ რიბასი გახდა.

20 მატჩიდან 12 მოგებით “სარაგოსა” მე-6 ადგილზეა და მის წინ 2 მოგებით მეტის მქონე “ბარსელონაა”. მომდევნო ტურში, 2 მარტს, “სარაგოსა” სტუმრად “ფუენლაბრადას” ეთამაშება.

gbf.ge