უელსური “სუონსი სიტის” ხელმძღვანელებმა კლუბის აწ უკვე ყოფილი თავკაცის, ფრანჩესკო გვიდოლინის დათხოვნის გადაწყვეტილება სპეციალისტის 61-ე დაბადების დღეზე მიიღეს და ის აშშ-ს ყოფილი მთავარი მწვრთნელით ჩაანაცვლეს.
შეგახსენებთ, რომ გვიდოლინი “გედებს” ამა წლის იანვარში ჩაუდგა სათავეში. თუმცა მისი დათხოვნა მას შემდეგ გახდა საჭირო, რაც გუნდმა სათამაშო ფორმა დაკარგა და პრემიერ ლიგის პირველი 7 თამაშიდან მხოლოდ 4 ქულა მოაგროვა.
იტალიელმა სპეციალისტმა ბოლო მატჩი მერსესაიდული “ლივერპულის” წინააღმდეგ ჩაატარა, რომელიც პირველ ტაიმში ლიდერობის მიუხედავად მინიმალური სხვაობით წააგო.
58 ქლის ბობ ბრედლიმ კი ინგლისში გადმოსაბარგებლად საფრანგეთის ლიგა 2-ში მოასპარეზე “ლე ჰავრი” დატოვა. მისი პირველი მატჩი 15 ოქტომბერს, “ემირეიტ სტედიუმზე” უნდა გაიმართო სანაკრებო ბატალიების შემდეგ.
We can confirm the club has parted company with Francesco Guidolin, who will be replaced by Bob Bradley. pic.twitter.com/ezFbt1bxAQ
— Swansea City AFC (@SwansOfficial) October 3, 2016