სამწუხარო ინფორმაცია ვრცელდება “ლეტსერის” გულშემატკივრებისთვის.
ინგლისის ჩემპიონატის გუნდის ნახევარმცველი, დენი დრინქვოთერი ტრავმირებულია და იგი ამ სეზონში თამაშს ვეღარ მოახერხებს. 27 წლის ინგლისელს ბარძაყის ტრავმა აწუხებს.
ამის შესახებ კრეგ შექსპირმა განაცხადა: “დენის დასვენების და გამოჯანმრთელების საშუალება უნდა მივცეთ. სამი თამაში დარჩა და იგი, დიდი ალბათობით, ვერცერთ მათგანში ვერ მიიღებს მონაწილეობას.”
“ლესტერი”, რომელმაც წინა ტურში “უოტფორდი” დაამარცხა (3:0), შაბათს, “მანჩესტერ სიტის” წინააღმდეგ კიდევ ორი მოთამაშის გარეშე გამოვა. ესენი რობერტ ჰუტი და ვეს მორგანი არიან.
