შვედური გაზეთი, Expressen-ი იტყობინება, რომ მერსესაიდის “ლივერპული” სერიოზულად არის დაინტერესებული “ახალ ზლატანად” წოდებული 17 წლის შვედი თავდამსხმელით, ალექსანდერ ისაკით.
ახალგაზრდა ტალანტი გოტენგბურგის “აიკში” 2016 წლის მარტიდან გამოდის. მან 25 მატჩში 12 გოლი გაიტანა. ისაკი შვედეთის 17 წლამდე ეროვნული ნაკრების წევრიცაა.
17 წლის მოთამაშით, გარდა “ლივერპულისა”, ისეთი გრანდები ინტერესდებიან, როგორიც “მანჩესტერ იუნაიტედი” და “პსჟ”-ა.
მოკლედ, შვედ ფეხბურთელს არჩევანი დიდი აქვს. საინტერესოა, რომელ გუნდს აირჩევს იგი. ან, შესაძლებელია, არ იჩქაროს, “აიკში” დარჩეს და იქ განაგრძოს განვითარება.