ჭდე: ევრიპის ლიგა

3 ოქტომბერს ევროპის ლიგის ჯგუფური ეტაპის მეოთხე ტურის მატჩები გაიმართა. კონტინენტის რიგით მეორე პრესტიჟულ ტურნირზე ქართველებიც გამოვიდნენ.

“მაკაბი” – “ალკმაარი”

დავიწყოთ ქართველი მწვრთნელის, შოთა არველაძის გუნდის მატჩით. მეოთხე ტურში ისრაელის კლუბი, “მაკაბი” საკუთარ მოედანზე “ალკმაარს” დაუპირისპირდა. შეხვედრა გარდამავალი უპირატესობით წარიმართა და, საბოლოოდ, ნულოვანი ფრით დასრულდა.

4 ტურის შემდეგ არველაძის გუნდს 4 ქულა აქვს და მეორე ადგილზე იმყოფება.

“რაპიდი” – “სასუოლო”

კიდევ ერთი მატჩი, რომელიც ევროპის ლიგაზე გაიმართა იტალიური “სასუოლოსა” და ვენის “რაპიდის” დაპირისპირებაა. ამ უკანასკნელში ქართველი შემტევი, გიორგი ქვილითაია გამოდის; იგი 61-ე წუთზე შევიდა მოედნაზე. ანგარიში 34-ე წუთზე დეფრელმა გახსნა და “სასუოლო” წინ გაიყავანა. 11 წუთში პელეგრინიმ ორამდე გაზარდა სხვაობა.

მეორე ნახევარში ერთი ბურთი იელიჩმა 86-ე წუთზე გაქვითა. ჩვენთვის სასიხარულო ფაქტი დაფიქსირდა: 90-ე წუთზე გიორგი ქვილითაიამ ანგარიში გაათანაბრა და საკუთარ გუნდს ქულა მოუპოვა!

ქვილითაიას გუნდი 4 ტურის შემდეგ 5 ქულით მესამე ადგილზეა.

“ზორია” – “ფეინოორდი”

ევროპის ლიგის ჯგუფურ ეტაპზე “ზორია” “ფეინოორდს” დაუპირისპირდა. მასპინძელ გუნდში ქართველი მოთამაშე, ჯაბა ლიპარტია გამოდის, რომელმაც ამ შეხვერდას სათადარიგოდან ადევნა თვალი.

საბოლოოდ, მატჩი ფრედ – 1-1 დასრულდა.

“ზორია” 2 ქულით მეოთხე ადგილზეა.

“გაბალა” – “სენტ-ეტიენი”

აზერბაიჯანულმა “გაბალამ” “სენტ-ეტიენს” უმასპინძლა და 1-2 დამარცხდა.

მასპინძელთა ქართველ ლეგიონერს, ნიკოლოზ კვეკვესკირს ბოლო 6 წუთი ერგო სათამაშოდ.

“გაბალა” 0 ქულით მე-4 პოზიციაზეა.