Daily Telegraph-ის მიერ მოპოვებული უახლესი ინფორმაციის თანახმად, “მანჩესტერ იუნაიტედის” ნახევარმცველი, მორგან შნეიდერლინი “ვესტ ბრომის” ხელმძღვანელთა ინტერესთა სფეროშია მოქცეული.
როგორც იცით, “ოლდ ტრაფორდზე” ჟოზე მოურინიოს გამოჩენის შემდეგ, ფრანგ ნახევარმცველს საკმარისი სათამაშო დრო აღარ ეძლევა. მან პრემიერ ლიგის წლევანდელ სეზონში მხოლოდ 11 წუთი ითამაშა, რაც მის გეგმებში ნამდვილად არ შედიოდა.
რამდენადაც იანვარში მისი “წითელი ეშმაკების” რიგებიდან გასვლა ძალზედ მოსალოდნელია, “ვესტ ბრომის” ხელმძღვანელებმა გადაწყვიტეს, ახლავე შეეთავაზებინებინათ 18 მილიონი ფუნტი მის სანაცვლოდ.
აქვე გეტყვით იმასაც, რომ მორგანს გარკვეული დროის მანძილზე მერსესაიდულ “ევერტონთანაც” აკავშირებდნენ.
