ერთ-ერთი ყველაზე ცნობილი ინგლისელი ჟურნალისტი, პირს მორგანი, რომელიც ამავდროულად “არსენალის” დიდი ფანიც გახლავთ, ამერიკის შეერთებული შტატების პრეზიდენტს შეხვდა.
შეხვედრისას პირს მორგანმა დონალდ ტრამპს “არსენალის” 45-ნომრიანი მაისური აჩუქა (ტრამპი აშშ-ს რიგით 45-ე პრეზიდენტია) და ლონდონურ კლუბშიც მიიწვია.
“ტრამპს “არსენალის” მთავარი მწვრთნელის პოსტი შევთავაზე – რადგანაც ის დიდ დამცავ კედელს ააგებს, შემტევი ფილოსოფია აქვს და ნებისმიერ ფასად მოიგებს ტიტულებს,” – ვკითხულობთ მორგანის “ტვიტში”.
ამერიკის შეერთებული შტატების 45-ე პრეზიდენტის, დონალდ ტრამპის ვაჟი კამერებმა თეთრი სახლის ეზოში, ფეხბურთის თამაშისას გამოიჭირეს.
აღსანიშნავია, რომ 11 წლის ბერონ ტრამპი მთლიანად ლონდონის “არსენალის” საშინაო ფორმაში იყო გამოწყობილი.
აქვე გეტყვით იმასაც, რომ ლონდონური კლუბის მფლობელმა, სტენ კრონკემ იანვრის თვეში მილიონი დოლარი გადარიცხა დონალდ ტრამპის ინაუგურაციის ფონდში.
გერმანული ბუნდესლიგის გრანდმა, დორტმუნდის “ბორუსიამ” დონალდ ტრამპის წამოწყებასთან დაკავშირებით საკუთარი პოზიცია დააფიქსირა, რომლის მიხედვითაც, დორტმუნდელები აშშ-მექსიკის საზღვარზე 15-მეტრიანი კედლის აშენების წინააღმდეგები არიან.
როგორც იცით, ამერიკის შეერთებული შტატების 45-ე პრეზიდენტი ხელისუფლებაში მოსვლისთანავე შეუდგა თავისი გეგმის შესრულებას (ქვეყნებს შორის საზღვარის გამკაცრებას), რის გამოც აშშ-ს ტერიტორიაზე მყოფ მილიონობით ემიგრანტს დეპორტაცია ემუქრებათ.
“ერთადერთი კედელი, რომლისაც გვჯერა” – ასეთი რამ “დატვიტა” კლუბის ოფიციალურმა გვერდმა სოციალურ ქსელში.
The only #wall we believe in. ???? pic.twitter.com/nIL4ws0UY1
— Borussia Dortmund (@BVB) January 26, 2017
დაახლოებით ასეთი ტიპის გზავნილი დაურთო “ბარსას” ექს-ფეხბურთელმა, მექსიკელმა რაფა მარკესს “ბლაუგრანს” მაისურით გატანილ საჯარიმოს – “თუ ჩვენს ძალებს ვირწმუნებთ, ვერანაირი კედელი ვერ შეგვაჩერებს.”
No hay #muro capaz de detenernos si creemos en nosotros mismos. #4ctitud. pic.twitter.com/gMZPMj1m1G
— Rafa Marquez (@RafaMarquezMX) January 25, 2017
ტიმ ჰოვარდი თვლის, რომ ამერიკის შეერთებული შტატების პრეზიდენტის პოსტზე ბიზნესმენ დონალდ ტრამპის დანიშვნა აშშ-სა და მექსიკის ეროვნულ ნაკრებებს შორის გასამართ მატჩზე გავლენას ვერ იქონიებს.
“პოლიტიკას ფეხბურთთან არაფერი აქვს საერთო. არ ვაპირებ თქვენს მიერ დასმული კითხვებისთვის პასუხის გაცემა. პოლიტიკა და ფეხბურთი განცალკევებულია.
მექსიკელები ყველაფერს გააკეთებენ ჩვენს დასამარცხებლად, ისევე როგორც ჩვენ. ეს ბუნებრივია და ამას პოლიტიკასთან არანაირი კავშირი არ აქვს.
არჩევნების შედეგების გასაგებად ღამე ნამდვილად არ გამითენებია. დასაძინებლად წავედი, როდესაც ისინი ხმებს ითვლიდნენ. დილით კი შედეგი ჩვეულებრივად გავიგე. სათქმელი აღარაფერი მაქვს.”
