ცეზას ასპილიკუეტამ ლონდონურ “ჩელსისთან” ახალ, 3-წლიან კონტრაქტს მოაწერა ხელი. აღნიშნულ ინფორმაციას კლუბის ოფიციალური ვებ-გვერდი ადასტურებს.
როგორც იცით, 27 წლის ფეხბურთელმა თავიდანვე მოიგო ანტონიო კონტეს გული, რომელიც “არისტოკრატთა” თავკაცის პოსტზე პირველ სეზონს ატარებს. ასპილიკუეტამ 3-კაციან დაცვაში თავისი ადგილი კარგა ხნის წინ დაჯავშნა თავისი კარგი ასპარეზობით.
ასე რომ, ესპანელი ცენტრალური მცველი (ნომინალურად) დავიდ ლუისისა და გარი კეჰილის გზებს გაჰყვა. ის “სტემფორდ ბრიჯზე” 2020 წლამდე დარჩება.
“ძალიან ბედნიერი ვარ, კლუბთან კონტრაქტის გახანგრძლივება რომ შევძელი.
ჩემი აქ მოსვლის დღიდან, უდიდესი პროგრესი განვიცადე და ტიტულებიც მოვიგე. ეს კონტრაქტი კი დიდ მოტივაციასთან ერთად თავის უკეთ წარმოჩენის შანსსაც მაძლევს.” – განაცხადა ესპანელმა ფეხბურთელმა კონტრაქტის გახანგრძლივების შემდეგ.
.@CesarAzpi has today signed a new three-and-a-half-year contract!
Full story ???? https://t.co/uJDWgpha9Z pic.twitter.com/jpcaJz6qRs
— Chelsea FC (@ChelseaFC) December 13, 2016