სულ ცოტა ხნის წინ გაირკვა ხორვატიის 2016 წლის საუკეთესო ფეხბურთელის ჯილდოს მფლობელის ვინაობა. ეს პრიზი მადრიდის “რეალის” ფეხბურთელმა, ლუკა მოდრიჩმა დაისაკუთრა.
შეგახსენებთ, რომ 31 წლის მოთამაშემ გასულ წელს “თეთრების” მაისურით ჩემპიონთა ლიგის, ევროპის სუპერ თასის და მსოფლიოს საკლუბო ჩემპიონატის მოგება მოახერხა.
მოდრიჩი საკუთარი ქვეყნის საუკეთესო ფეხბურთელი მეხუთედ გახდა. აქამდე ხორვატს ეს ჯილდო 2007, 2008, 2011 და 2014 წლებში აქვს მოპოვებული.
დღეს იაპონიაში, “ნისან სთეიდიუმზე” მსოფლიოს საკლუბო ჩემპიონატის ფინალი გაიმართა. ერთმანეთს მადრიდის “რეალი” და “კაშიმა ანთლერსი” დაუპირისპირდნენ.
პირველ ტაიმში, მე-9 წუთზე კარიმ ბენზემამ გახსნა ანგარიში. ტაიმის მიწურულს, 44-ე წუთზე შიბასაკიმ გაათანაბრა.
მეორე ნახევარში, ნახსენებმა იაპონელმა ფეხბურთელმა დუბლი შეასრულა და “კაშიმა” წინ გაიყვანა. 59-ე წუთზე მეტოქის საჯარიმოში ლუკას ვასკესი წააქციეს, რის შემდეგაც დანიშნული პენალტის გატანა კრიშტიანუ რონალდუმ შეძლო და ანგარიში გაათანაბრა – 2:2.
შეხვედრის ძირითადი დრო ფრედ 2:2 დასრულდა, გამარჯვებული კი დამატებით ტაიმებში გამოვლინდა. 97-ე წუთზე კრიშტიანო რონალდუმ კარიმ ბენზემას ბრწყინვალე გადაცემის შემდეგ იაპონელთა კარი აიღო და “სამეფო კლუბი” კვლავ დააწინაურა. პირველი დამატებითი ტაიმის ბოლო წამებზე თავი ისევ რონალდუმ გამოიჩინა – 4:2. ამის შემდეგ არაფერი შეცვლილა, მადრიდის “რეალი” კი მსოფლიოს საკლუბო ჩემპიონატის გამარჯვებული გახდა.
