საქართველოს ფეხბურთის ფედერაციის ხელმძღვანელები წყალტუბოს ესტუმრნენ. ვიზიტის მიზანი 26 მაისის სახელობის სტადიონის რეკონსტრუქციასთან დაკავშირებული საკითხები იყო.
სფფ-ის გენერალურმა მდივანმა დავით მუჯირმა და ვიცე-პრეზიდენტმა ნიკოლოზ ჯღარკავამ ადგილობრივი თვითმმართველობის წარმომადგენლებთან ერთად სტადიონი დაათვალიერეს და ეროვნული ჩემპიონატის სტანდარტებთან შესაბამისობაში მოყვანის გეგმაზე იმსჯელეს.
მუნიციპალიტეტის ხელმძღვანელობა 26 მაისის სახელობის სტადიონის ხელოვნურსაფარიანი მოედნისთვის ტრიბუნისა და სხვა საჭირო ინფრასტუქტურის აშენებას აპირებს. დავით მუჯირმა და ნიკოლოზ ჯღარკავამ მასპინძლებს დეტალურად გააცნეს საორიენტაციო მიმართულებები და სტადიონისთვის აუცილებელი მოთხოვნები.
წყარო: Gff.Ge