ჭდე: გუგა ფავანდიშვილი

რამდენიმე ხნის წინ დადასტურდა, რომ ქუთაისის “ტორპედოს” საყრდენი ნახევარმცველი, გუგა ფალავანდიშვილი კვიპროსულ “ეთნიკოსში” გადავიდა. აღნიშნულ გუნდში უკვე ირიცხება ორი ქართველი: გია გრიგალავა და გიორგი ილურიძე.

Fanebi.Com-ი დაუკავშირდა ფალავანდიშვილს და ტრანსფერთან დაკავშირებით კომენატარის გაკეთება სთხოვა.

“უცხოეთში თამაშზე დიდი ხანია ვფიქრობ. ბოლო დროს რამდენიმე ქვეყნის ვარიანტი გამომიჩნდა, თუმცა, საბოლოოდ, “ეთნიკოსი” ავირჩიე. მივიჩნევ, რომ  აქ განვითარების უფრო მეტი საშუალება მექნება.”

“კვიპროსულ გუნდში მოთამაშე ქართველ ლეგიონერებთან საუბარი ჯერ არ მქონია, თუმცა, რა თქმა უნდა, ისინი ადაპტაციაში ძალიან დიდ დახმარებას გამიწევენ.”

“ახალ გუნდში თამაშით ნაკრებში მოხვედრის მეტი შანსი მაქვს. არ ვამბობ, რომ კვირპოსის ჩემპიონატი ძალიან მაღალი დონეა, თუმცა არც ბოლო დონის ტურნირთა შორისაა. აქედან გამომდინარე, იგი განვითარებაში დამეხმარება.”

“ვფიქრობ, რომ ფეხბურთელს თუ თავის გამოჩენა უნდა, დიდი შრომით აუცილებლად იზამს ამას და გაიკვალავს გზას ევროპისკენ,” – განაცხადა ქართველმა ნახევარმცველმა.