“სიეტლ საუნდერსის” ნახევარმცველმა, კლინტ დემპსიმ კარიერა შესაძლოა, ჯანმრთელობის პრობლემების გამო დაასრულოს. აღნიშნულ ინფორმაციას კლუბის დირექტორი, ჰარტ ლაგერვეი ავრცელებს.
“იანვარის თვეში ჩვენს სატრანსფერო პოლიტიკაზე გავლენას დემპსის ჯანმრთელობის მდგომარეობაც იმოქმედებს.” – განაცხადა მან ამერიკულ მედიასთან საუბრისას.
“მალე გავიგებთ, შეძლებს თუ არა ის თამაშს და თუ შეძლებს, რა ინტენსივობით.” – დაამატა ჰარტმა.
შეგახსენებთ, რომ 33 წლის ფეხბურთელს გასულ ზაფხულს არითმია დაუდგინეს, რის შემდეგაც, მას არცერთ ოფიციალურ მატჩში არ მიუღია მონაწილეობა. დემპსი დღემდე ინდივიდუალური პროგრამით ვარჯიშობს.