“ლესტერ სიტის” კიპერმა კასპერ შმეიხელმა გუნდის დატოვების გადაწყვეტილება მიიღო.
ფრანგული გამოცემა “ლეკიპი” იუწყება, რომ 35 წლის დანიელი კიპერი კარიერას “ნიცაში” გააგრძელებს.
ფრანგები ვალტერ ბენიტესის გაყიდვის შემდეგ ახალი მეკარის ძიებაში არიან და არჩევანი შმეიხელზე შეაჩერეს. თავის მხრივ, ტრანსფერი იმაზეც არის დამოკიდებული, რამდენად შეძლებენ “მელიები” დანიელი კიპერის შემცვლელის პოვნას. მხარეებს შორის არსებულ კონტრაქტს ვადა 2023 წლის ზაფხულამდე აქვს.
შეგახსენებთ, რომ კასპერ შმეიხელი 2015-2016 წლების სეზონში “ლესტერთან” ერთად ინგლისის ჩემპიონი გახდა.